کیک کاٹنے کا انوکھا طریقہ، صارفین حیران

کیک کاٹنے کے لئے عموماً چھری کا استعمال کیا جاتا ہے لیکن اس ویڈیو میں موبائل فون سے کیک کاٹا گیا ہے۔

بھارت ریاست کرناٹک میں بھارتیہ جنٹا پارٹی (بی جے پی) کے رکن اسمبلی بسوا راج کے بیٹے سریش نے اپنی سالگرہ کا کیک کاٹنے کے لئے چھری کی بجائے آئی فون کا استعمال کیا جس کی ویڈیو سوشل میڈیا پر وائرل ہوگئی ہے۔

ویڈیو میں دیکھا جاسکتا ہے کہ وہ تیزی سے کئی کیک پر آئی فون کے ذریعے ٹکڑے ٹکڑے کررہا ہے اور اس کے دوست تالیاں بجانے میں مصروف ہیں۔

A Karnataka BJP MLA’s son has stirred a controversy by cutting his birthday cake(s) using his iPhone pic.twitter.com/zht6HhD12X

— Soumya Chatterjee (@Csoumya21) September 3, 2021

بھارتی سیاستدان کے بیٹے نے تقریباً 8 کیک کاٹے ،اس نے اپنی سالگرہ بلاری ضلع میں منائی تھی جہاں وہ اپنے دوستوں کو بی ایم ڈبلیو گاڑی میں لے گیا تھا۔

علاوہ ازیں کانگریس کے ارکان نے بھی ویڈیو کلپ پر شدید رد عمل ظاہر کرتے ہوئے کہا کہ یہ دولت کی بدصورت نمائش ہے، غریب لوگوں کو دو وقت کی روٹی میسر نہیں اور ایم ایل اے خاندان کی جانب سے دولت کا ایسا ظاہر کرنا حلقے کے غریب اور محروم طبقات کی توہین ہے۔

سوشل میڈیا صارفین کی جانب سے بھی رکن اسمبلی کے بیٹے پر تنقید کی جارہی ہے اور صارفین اسے دولت کی نمائش قرار دے رہے ہیں۔

تنقید کے باوجود بسوراج نے اپنے بیٹے کا دفاع کرتے ہوئے کہا کہ یہ اس کی محنت کی کمائی ہے اور وہ اپنی مرضی کے مطابق منا سکتا ہے۔

بسوا راج نے کہا کہ اس میں کیا حرج ہے؟ میرے بیٹے نے ہاتھوں کے بجائے کیک کاٹنے کے لئے آئی فون کا استعمال کیا کیونکہ کووڈ 19 برقرار ہے۔

The post کیک کاٹنے کا انوکھا طریقہ، صارفین حیران appeared first on .