اداکار فیروز خان نے کاسمیٹک سرجری کروائی ہے؟

معروف پاکستانی اداکار فیروز خان نے اس بات کا انکشاف کیا ہے کہ انہوں نے ایک کاسمیٹک سرجری کروائی تھی جو کہ کافی غیر متوقع ثابت ہوئی تھی۔

اداکار نے ایک شو میں مزاحیہ انداز میں اپنی کاسمیٹک سرجری کے بارے میں بتاتے ہوئے کہا کہ انہیں پانی کے اندر ایک سین کی شوٹنگ کروانی تھی جس کے لئے انہوں نے اپنا وزن کم کیا تھا اور ان کی ورزش کرنے کا معمول بہت سخت تھا۔

انہوں نے بتایا کہ شوٹنگ کے لئے جب انہیں کافی زیادہ ورک آؤٹ کرنا پڑا اور ان کا وزن کم ہوا تو ان کا چہرہ بہت بری طرح متاثر ہوا اور ان کے گال بالکل پچکے ہوئے لگنے لگے تھے۔

اداکار نے مزید بتایا کہ اپنے گالوں کی خراب حالت دیکھ کر انہوں نے کاسمیٹک سرجری کروانے کا فیصلہ کیا۔

فیروز خان نے اپنی کاسمیٹک سرجری کے غیر متوقع ثابت ہونے کا اعتراف کرتے ہوئے کہا کہ سرجری کے بعد ہی انہیں احساس ہوا کہ گالوں کی کاسمیٹک سرجری کروانے کا ان کا فیصلہ غلط تھا۔

انہوں نے اپنے اس غلط فیصلے پر ہنستے ہوئے کہا کہ جب میں نے اپنے آپ کو آئینے میں دیکھا تو فوری طور پر گالوں میں سرجری سے لگے فلرز کو تحلیل کرنا چاہا۔

انہوں نے مزید کہا کہ سرجری کے بعد وہ تصویروں میں بھی عجیب اور موٹے نظر آرہے تھے۔

The post اداکار فیروز خان نے کاسمیٹک سرجری کروائی ہے؟ appeared first on .