اداکار سعد قریشی جان لیوا بیماری کا شکار ہو گئے

پاکستانی شوبز انڈسٹری کے معروف اداکار سعد قریشی عالمی وبا کورونا وائرس کی چوتھی لہر کا شکار ہوگئے ہیں۔

اداکار سعد قریشی نے انسٹاگرام اسٹوری میں بتایا کہ اُنہوں نے اپنی مکمل کورونا ویکسینیشن کروالی تھی لیکن اس کے باوجود بھی اُن کا کورونا ٹیسٹ مثبت آگیا ہے۔

اداکار نے اپیل کرتے ہوئے کہا کہ براہِ کرم! حالیہ دنوں میں جو لوگ مجھ سے ملے وہ لازمی اپنا کورونا ٹیسٹ کروالیں۔

اُنہوں نے یہ بھی کہا کہ میری جلد صحتیابی کے لیے دُعا کریں۔

اداکار نے مزید لکھا کہ اللّہ تعالیٰ! ہم سب کو اپنے حفظ و امان میں رکھے۔

واضح رہے کہ سماجی فاصلے، ماسک کو نظر انداز کرنے اور ایس او پیز کی خلاف ورزیوں کے باعث پاکستان میں کورونا وائرس کی چوتھی لہر زور پکڑنے لگی۔

The post اداکار سعد قریشی جان لیوا بیماری کا شکار ہو گئے appeared first on .