پاکستان فٹ بال فیڈریشن کے زیراہتمام جاری 13 ویں پاکستان پریمئیر فٹ بال لیگ

پاکستان فٹ بال فیڈریشن کے زیر اہتمام جاری 13 ویں پاکستان پریمئیر فٹ بال لیگ میں پاکستان واپڈا کی ٹیم سرفہرست ہے جبکہ لائل کلب اور پاکستان ائیرفورس کی ٹیمیں بالترتیب دوسری اور تیسری پوزیشن پر قائم ہیں۔
تفصیلات کے مطابق پاکستان فٹ بال فیڈریشن کی جانب سے جاری کردہ پوائنٹس ٹیبل میں پاکستان واپڈا کی ٹیم 12 پوائنٹس کے ساتھ سرفہرست ہے اوراس نے ابھی تک لیگ کے چار میچزکھیلے اور چاروں میچزمیں سوئی سدرن گیس کمپنی، پاکستان ایئرفورس، پاکستان نیوی اور کراچی یونائٹیڈ کلب کے خلاف کامیابی حاصل کی ہے۔
لائل کلب اور پاکستان ائیرفورس کی ٹیمیں بھی چار، چار میچزکھیلنے کے بعد 7، 7 پوائنٹس کے ساتھ بالترتیب دوسری اور تیسری پوزیشن پر قائم ہیں جبکہ پاکستان سول ایوی ایشن کی ٹیم 6 پوائنٹس کے ساتھ چوتھےنمبر پر ہے۔
لیگ میں ملک بھر سے بارہ ٹیمیں حصہ لے رہی ہیں جن میں خان ریسرچ لیبارٹریز (کے آر ایل)، پاکستان آرمی، سوئی سدرن گیس کمپنی، پاکستان ایئر فورس، پی سی سی اے، مسلم کلب چمن، پاکستان نیوی، پاکستان واپڈا، سوئی نادرن گیس پائپ لائنز،لائل پور ایف سی، کراچی یونائیٹڈ اور ہما کلب اسلام آباد کی ٹیمیں شامل ہیں۔

The post پاکستان فٹ بال فیڈریشن کے زیراہتمام جاری 13 ویں پاکستان پریمئیر فٹ بال لیگ appeared first on .