پاکستان اور یو اے ای کے درمیان تاریخی تعلقات ہیں جس کی بنیاد باہمی احترام ہے،گورنر سندھ

گورنر سندھ عمران اسماعیل نے کہا ہے کہ پاکستان اور یو اے ای کے درمیان تاریخی تعلقات ہیں جس کی بنیاد مشترکہ دین، اقدار اور باہمی احترام ہے۔

تفصیلات کے مطابق گورنر سندھ عمران اسماعیل کی متحدہ عرب امارات کے قونصل جنرل بخیت عتیق الرميثی سے گورنر ہاؤس میں ملاقات ہوئی جہاں دوطرفہ تعاون خاص طور پر تجارت، سرمایہ کاری، امارات میں مقیم پاکستانی کمیونٹی اور باہمی دلچسپی کے دیگر اہم معاملات پر تبادلہ خیال  کیا گیا جبکہ افغانستان میں قیام امن کی مثبت پیش رفت اور مقبوضہ کشمیر کی صورتحال پر بھی تبادلہ خیال کیا گیا۔

گورنر سندھ کا کہنا تھا کہ پاکستان میں بالخصوص صحت، تعلیم ، توانائی اور انفرااسٹرکچر ڈیولپمنٹ کے شعبہ جات میں متحدہ عرب امارات کی معاونت قابل ذکر ہے ۔

عمران اسماعیل کا کہنا تھا کہ متحدہ عرب امارات کے قونصل جنرل کی جانب سے دوطرفہ تعلقات اور تعاون کو وسعت اور مستحکم بنانے کے لئیے مزید اقدامات کی یقین دہانی کرادی۔

ذرائع کا مزید کہنا ہے کہ ملاقات میں پاکستان اور متحدہ عرب امارات کے درمیان زراعت کے شعبے میں تعاون بڑھانے پر اتفاق کیا گیا۔

The post پاکستان اور یو اے ای کے درمیان تاریخی تعلقات ہیں جس کی بنیاد باہمی احترام ہے،گورنر سندھ appeared first on .