چترال (زیل نمائندہ) بانی صدر تحریک جوانان پاکستان اور چئیرمین میثاق ریسرچ سنٹر جناب عبداللہ حمید گل نے اپنے دورہَ چترال کے دوسرے دن چترال پریس کلب میں مہراکہ پروگرام سے خطاب کرتے ہوئے اہالیان چترال کو ایک اہم پیغام دیا۔ انہوں نے کہا کہ اب ملک سے بادل چھٹ جانے چاہئیں اور ہماری قوم کو پرامید ہونا چاہئیے کہ خطے کے عوام نے تین سپر طاقتوں کو شکست دی ہے جو ایک معجزے سے کم نہیں۔ مستقبل پاکستان کا ہے اور پاکستان ہی نے دنیا کی قیادت کرنی ہے۔ ایک جوہری مملکت نے باطل کے زعم اور عالمی طاقتوں کے تکبر کو خاک میں ملا دیا ہے اور چترال کے جوان کاروان حق کے ہراول دستہ ہیں۔میرے والد مرحوم جنرل حمید گل چترال کے عوام سے بڑی توقعات رکھتے تھے۔ عبداللہ حمید گل نے کہا کہ یہاں پہنچ کر میرے حوصلے اور بھی بلند ہوچکے ہیں۔ میڈیا کو عالمی طاقتوں کے اشاروں پر مایوسی پھیلانے سے باز آنا چاہئیے۔ ماضی میں بھی ہم نے اسرائیل اور ہندوستان کے چھکے چھڑائے ہیں اور آئندہ بھی ہم ان کا ناطقہ بند کرنےکے پوزیشن میں ہیں۔ ہماری شناخت اسلام ہے اور استعمار ہم سے روح محمدؐ چھین لینا چاہتا ہے۔ مگر ان کو یاد رکھنا چاہئیےکہ دیوار برلن کا ٹکڑا میرے گھر میں اب بھی پڑا ہواہے کہ جنرل حمید گل کا روس کی شکست میں کیا کردار رہا اور اب بھی ہم امریکہ کے وسائل سے امریکہ کو ٹکڑے کرکے دکھا دیں گے۔ ہمیں عیسائیوں اور عیسیؑ کے پیروکاروں سے کوئی ضد نہیں، ہم اللہ کے دشمنوں کا اپنا دشمن سمجھتے ہیں اور دنیا کو ایک نیا ورلڈ آرڈر اسلام کے نظریے کی بنیاد پر دینا چاہتے ہیں۔ دستوری لحاظ سے پاکستان اسلامی مملکت ہے۔ انہوں نے مزید کہا کہ ڈاکٹر عبد القدیر خان نے بھارتی فورسز کی طرف سے ان کے قلم چھین لینے کا بدلہ لینے کے لیے ملک کو جوہری قوت بنایااور بہترین انتقام لیا۔ ہم اینگلو سیکسن قوانین کے باغی ہیں ہم اسلامی جمہوریت پر یقین رکھتے ہیں جو ہماری غیرت کا بھی تقاضا ہےاور ہمارے جنگ آزادی کے راہنماؤں کا بھی یہی عزم تھا۔ کرپشن 30 سے 35 سال کے اندر ہمارے اندر سرایت کرلی ہے۔ ہم اسے بیخ سے اُکھاڑنے کا جذبہ رکھتے ہیں۔ ہم بے وسیلہ نہیں ، غلامی کی زنجریں ہم ذوق یقین سے توڑیں گےاور رسم شبیری ادا کریں گے۔ یہاں پر بات پدرم سلطان بود کی نہیں بلکہ کمزوروں کو دوبارہ اٹھانے اور انسانیت کو ظلم سے نجات دلانے کی ہورہی ہے۔ ہم بیک وقت آئی ایم ایف کے قرضوں سے بھی جان چھڑائیں گے اور بے دین طاقتوں کے جبر سے بھی مگر اس کے لیے اتحاد اور یکجہتی کی ضرورت ہے۔ چترال سے یہ تحریک اٹھنی ہے اور پورے ملک میں پھیلنا ہے۔ عبداللہ حمید گل نے جوانوں کی کردار سازی پر زور دیا اور کہا کہ ہمارے پاس وسائل بے شمار ہیں صرف جذبہ آزادی کی ضرورت ہے۔ انہوں نے کہا کہ اسلام اور جوہری قوت ، چین سے روابط دشمن کی نظروں سے اٹکی ہوئی ہے۔ انہوں نے صحافیوں کے مختلف سوالات کا جواب دیا اس موقع پر پی ٹی آئی چترال کے صدر رحمت عازی اور سی اے ای ایچ کے چئیرمین جناب حبیب الرحمن نےپروگرام میں اظہار خیال کئے۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023