گولین گول بجلی گھرکے تین بڑے ٹرانسفارمرچترال پہنچادئیے گئے۔

چترال: گولین گول106میگاواٹ بجلی گھرسے چترال کو تیس میگاواٹ بجلی کی فراہمی یقینی بنانے کیلئے واپڈانے غازی بھروتھاسے تین بڑے بڑے ٹرانسفارمرزچترال بھیج دیاہے جو بائیس وہیلرزٹرک براستہ لواری ٹنل شیدی کے مقام تک پہنچادیے ہیں ،جنہیں بروزگول کے مقام پرپُل کی کمزوری اور راستے کی تنگی کے سبب بروزگول میں مٹی ڈال کر کھائی پُرکرکے گاڑیان گزارکر کوغذی پہنچا دیا گیا ہے۔ ۔یاد رہے 2015ء کے تباہ کن سیلاب کے بعدسے یہ عارضی ایمرجنسی پُل بدستورلگے ہوئے ہیں اور این ایچ اے والے مستقل پُل تعمیرکرنے میں ناکام اورغفلت برت رہے ہیں ۔ یادرہے گزشتہ دنوں واپڈاکے سپرٹنڈنٹ انجنئیرنے بھی چترال کا دورہ کیاتھااور گولین گول بجلی گھرکے اسٹاف کے ساتھ جوٹی لشٹ گریڈاسٹیشن میں میٹنگ بھی کیاتھا ۔

ان ٹرانسفارمروں کی تازہ ویڈیو فوٹیج ایم این چترال کے فیس بک پیج میں بھی دیکھی جاسکتی ہے۔