میں اپنے والدین کی حیرت انگیز بیٹی ہوں ،گوہر خان

بھارتی اداکارہ گوہر خان نے کہا ہے کہ وہ اپنے والدین کی حیرت انگیز بیٹی ہیں۔

بیٹیوں کے عالمی دن کے موقع پر گوہر خان نے اپنے تصدیق شدہ انسٹاگرام اکاؤنٹ پر اپنے والدین کے ہمراہ ماضی کی اپنی یادگار تصویریں شیئر کیں۔

اداکارہ نے اپنی پوسٹ کے کیپشن میں لکھا کہ آج میں اپنا دن منارہی ہوں اور میں فخر سے کہہ سکتی ہوں کہ میں اپنے والدین کی حیرت انگیز بیٹی رہی ہوں۔

 

View this post on Instagram

 

A post shared by Gauahar Khan (@gauaharkhan)

اُنہوں نے لکھا کہ میں اس موقع پر اللّہ تعالیٰ کا شُکر ادا کرتی ہوں جنہوں نے مجھے اس قابل بنایا کہ میں والدین کی بہترین بیٹی بن سکوں اور خود پر اُنہیں فخر محسوس کروا سکوں۔

بھارتی اداکارہ نے لکھا کہ آج میں جو کچھ بھی ہوں وہ صرف اللّہ تعالیٰ کی وجہ سے ہوں۔

آخر میں گوہر خان نے مرحوم والد کو یاد کرتے ہوئے اُن سے اپنی محبت کا اظہار بھی کیا۔

خیال رہے کہ رواں سال گوہر خان کے والد ظفر احمد خان شدید علالت کے بعد انتقال کر گئے تھے۔

بالی ووڈ اداکارہ گوہر خان اور زید دربار سال 2020 میں جمعتہ المبارک کے موقع پر رشتۂ ازدواج میں منسلک ہوئے تھے۔

The post میں اپنے والدین کی حیرت انگیز بیٹی ہوں ،گوہر خان appeared first on .