میرے دادا کہتے تھے بیٹا عوام کی خدمت ایسے کرو کہ عوام آپ کو یاد رکھے، حمزہ شہباز

مسلم لیگ(ن) کے نائب صدر حمزہ شہباز نے کہا ہے کہ میرے دادا کہتے تھے بیٹا عوام کی خدمت ایسے کرو کہ عوام آپ کو یاد- رکھے۔
تفصیلات کے مطابق مسلم لیگ (ن) کے نائب صدر حمزہ شہباز نے مسلم لیگ ن پنجاب کے زیر اہتمام ساہیوال ڈویژن کی میٹینگ میں خطاب کرتے ہوئے کہا کہ آج میں بہت سارے ایسے چہرے دیکھ رہا ہوں جو تحریک نجات سے وابستہ ہیں۔
حمزہ شہباز نے کہا کہ 12 اکتوبر کو منتخب وزیراعظم پر جھوٹا مقدمہ بنا کر انہیں چلتا کیا، لیکن اس حکومت کا انتقام اس سے کہیں زیادہ ہے۔ چوری شدہ مینڈیٹ کی حکومت نے جو انتقام لیا وہ تحریک نجات سے کہیں زیادہ ہے۔
ان کا کہنا تھا کہ ماضی میں شرطیں لگا کر کہا جاتا تھا کہ طیارہ سازش کیس میں نوازشریف کو پھانسی ہو جائے گی۔
مسلم لیگ(ن) کے نائب صدر کا کہنا تھا کہ لوگ پروپیگنڈے کرتے ہیں لیکن اللہ کا شکر ادا کرتا ہوں میرے دادا گھر میں شلوار قمیض پہن کر زمین پہ بیٹھتے تھے، ان کا ایک بیٹا پی ایم اور دوسرا سی ایم بن گیا۔
ان کا کہنا تھا کہ ذوالفقار بھٹو نے ایٹم بم بنایا لیکن ایٹمی دھماکے میاں نوازشریف کی قیادت میں ہوئے۔
حمزہ شہباز نے کہا کہ عمران خان کی ٹیم نے پاکستان کو 5.8 کی گروتھ پر چھوڑا ہوا ہے۔
مسلم لیگ (ن) کے نائب صدر حمزہ شہباز کا مزید کہنا تھا کہ آئندہ الیکشن میں 2018 والی غلطیوں کو ہر گز نہ بھولا جائے۔

The post میرے دادا کہتے تھے بیٹا عوام کی خدمت ایسے کرو کہ عوام آپ کو یاد رکھے، حمزہ شہباز appeared first on .