عوام نے بتا دیا کہ پاکستان کو مشکلات سے صرف مسلم لیگ (ن) نکال سکتی ہے، شہباز شریف

پاکستان مسلم لیگ (ن) کے صدر اور قائد حزب اختلاف شہباز شریف نے کہا ہے کہ عوام نے بتا دیا کہ پاکستان کو مشکلات سے صرف مسلم لیگ (ن) نکال سکتی ہے۔

تفصیلات کے مطابق پاکستان مسلم لیگ (ن) کے صدر اور قائد حزب اختلاف شہباز شریف نے پارٹی کے مرکزی رہنماء ملک ابرار کے گھر آمد کی، شہباز شریف کا ملک ابرار کی رہائش گاہ آمد پر پرتپاک استقبال کیا گیا، شہباز شریف نے کنٹونمنٹ بورڈ انتخابات میں شاندار کامیابی پر پارٹی عہدیداروں اور کارکنوں کو زبردست خراجِ تحسین پیش کیا۔

شہباز شریف نے کہا کہ آپ نے اپنے اتحاد، ثابت قدمی اور محنت سے ہواؤں کا رخ موڑ دیا ہے، عوام نے اپنی رائے اور اعتماد کی سمت دکھا دی ہے۔

پاکستان مسلم لیگ (ن) کے صدر اور قائد حزب اختلاف شہباز شریف کا مزید کہنا تھا کہ عوام نے بتا دیا کہ پاکستان کو مشکلات سے صرف مسلم لیگ (ن) نکال سکتی ہے، ان شاءاللہ آنے والا وقت پاکستان مسلم لیگ (ن) کا ہے، پیارے پاکستان اور عوام کو تکالیف سے نجات دلائیں گے، اللہ تعالیٰ نے موقع دیا تو عوام کی تقدیر بدل کر رکھ دیں گے۔

The post عوام نے بتا دیا کہ پاکستان کو مشکلات سے صرف مسلم لیگ (ن) نکال سکتی ہے، شہباز شریف appeared first on .