پولیس میں خواتین کی نمائندگی بڑھنی چاہیے، فردوس شمیم نقوی

تحریک انصاف کے رکن سندھ اسمبلی فردوس شمیم نقوی کا کہنا ہے کہ پولیس میں خواتین کی نمائندگی بڑھنی چاہیے۔

تفصیلات کے مطابق تحریک انصاف کے رکن سندھ اسمبلی فردوس شمیم نقوی نے تقریب سے خطاب کرتے ہوئے کہا کہ  امن کے بغیر ترقی ممکن نہیں، آج شاہ عبدالطیف بھٹائی کا عرس ہے ان کی شاعری کا پیغام امن ومحبت کا ہے۔

فردوس شمیم نقوی نے کہا ہے کہ اسمبلیوں میں بیٹھے ہوئے لوگ آئین کے آرٹیکل 140 کے لیے دو لائن ہیں، پولیس اسٹیشنز کے حالات ابتر ہیں، پولیس میں خواتین کی نمائندگی کم ہے، پولیس میں خواتین کی نمائندگی بڑھنی چاہیے۔

تحریک انصاف کے رکن سندھ اسمبلی فردوس شمیم نقوی نے مزید کہا ہے کہ ملک میں قانون سازی تو ہوتی ہے لیکن رول آف بزنس نہیں، قانون کو ہر تین سال بعد ریو ہونا چاہیے۔

اس سے قبل پی ٹی آئی کے رہنما فردوس شمیم نقوی نے اپنے بیان میں کہا تھا کہ ہمیں مہنگائی کے پیچھے عوامل کو سمجھنے کی ضرورت ہے ، پی ٹی آئی کبھی بھی عوام پر بوجھ ڈالنا نہیں چاہتی ، ڈالر میں اضافے سے پاکستانی روپے کی ویلیو کم ہوتی ہے۔

فردوس شمیم نقوی نے مزید کہا تھا کہ صوبائی حکومت کی ذمہ داری ہے کہ حکومتی گوداموں سے گندم، چاول اور دالیں وقت پر سپلائی کریں، مہنگائی کی تیسری بڑی وجہ منافع خوری ہے ، کسی بھی اشیاء کی قیمت میں اضافے کے ساتھ ہی زخیرہ اندوز کر لی جاتی ہیں ، گندم و دیگر اجناس کی اسمگلنگ کی وجہ سے بھی مہنگائی ہوتی ہے، مہنگائی کو قابو کرنے کے لیے منافع خوروں کے خلاف کارروائی کی جائے۔

The post پولیس میں خواتین کی نمائندگی بڑھنی چاہیے، فردوس شمیم نقوی appeared first on .