پاکستان میں نابینا افراد کیلئے اسمارٹ جوتا تیار

سوات کے ضلع مالم جبہ سے تعلق رکھنے والے ایک طالب علم نے نابینا ، ضعیف اور بوڑھے افراد کے لئے اسمارٹ جوتا تیار کرلیا۔

طالب علم کے مطابق یہ جوتا 120 سینٹی میٹر تک کے فاصلے میں کسی بھی رکاوٹ کے بارے میں صارف کو وائبریشن اور آواز کےذریعے پہلے سے آگاہ کرنے کی صلاحیت رکھتا ہے۔

طالب علم کا کہنا ہے کہ اس نے پہلے بھی کئی پروجیکٹس پر کام کیا لیکن وسائل کی کمی اور حکومت کی طرف سے تعاون نہ ہونے کی وجہ سے وہ اپنی اس فیلڈ میں ترقی نہیں کر سکتا۔

طالب علم نے محفوظ مستقبل کے لئے ہائی سیکیورٹی پاور ہوم سمیت دیگر منصوبوں پر کام کرنے کی امید بھی ظاہر کی۔

اس کے علاوہ طالب علم نے حکومت اور اعلیٰ حکام پر زور دیا ہے کہ وہ مالی طور پران کی مدد کریں تاکہ وہ پاکستان کا بین الاقوامی سطح پر نام روشن کرسکے۔

انہوں نے نابینا افراد کے لئے اس جوتے میں ٹرانسمیشنز لگائے ہیں اور اس کی بیٹری بھی سولر سسٹم سے چارج کی جا سکتی ہے۔

واضح رہے کہ یہ اسمارٹ جوتا معذور افراد کو ان کی روزمرّہ زندگی میں محفوظ رکھ سکتا ہے۔

The post پاکستان میں نابینا افراد کیلئے اسمارٹ جوتا تیار appeared first on .