وزیر توانائی حماد اظہر نے ٹوئٹر پر جاری ایک پیغام میں کہا ہے کہ خوشی ہے کہ تابش گوہر کے ساتھ کام کرنےکا موقع ملا۔
تفصیلات کے مطابق وزیر توانائی حماد اظہر نے ٹوئٹر پر جاری ایک پیغام میں کہا ہے کہ پاور ڈویژن نے ان کی تجاویز اور تجربے سے بہت فائدہ اٹھایا ، تابش گوہر ملک کی خاطر اپنے خاندان سے ایک سال دور رہے۔
وزیر توانائی حماد اظہر نے کہا کہ پاور سیکٹر کی بہتری کے لیے خدمات فراہم کرنے پر ان کے شکرگزار ہیں ، مستقبل میں ان کی کامیابی کے لیے دعاگو ہیں۔
It was a privilege to work closely with Tabish. We benefited greatly from his input and professionalism. He remained away from his family for a whole year to serve his country. We thank him and wish him the best of luck in his future endeavours. https://t.co/5cexeSNoFE
— Hammad Azhar (@Hammad_Azhar) September 21, 2021
واضح رہے کہ وزیراعظم عمران خان نے معاون خصوصی برائے توانائی تابش گوہر کا استعفیٰ منظور کرلیا ہے۔
تفصیلات کے مطابق اس حوالے سے کابینہ ڈویژن نے نوٹیفکیشن بھی جاری کردیا ہے، نوٹیفکیشن میں بتایا گیا ہے کہ تابش گوہر 20 ستمبر 2021 سے معاون خصوصی نہیں رہے۔
ذرائع کے مطابق وزیراعظم عمران خان نے تابش گوہر سے استعفیٰ طلب کیا تھا، معاون خصوصی برائے توانائی کی کارکردگی سے وزیراعظم غیرمطمئن تھے، وزیر توانائی حماد اظہربھی معاون خصوصی کی موجودگی سے ناخوش تھے۔
وزیرتوانائی حماد اظہر نے گزشتہ روز وزیر اعظم سے ملاقات کی تھی اورتابش گوہر کے حوالے سے تحفظات کا اظہار کیا تھا۔
اس کے علاوہ تابش گوہر پر پی ایس او، فیسکو اور مختلف پاورپلانٹس میں منظورِ نظر افسران کی تعیناتی کا الزام تھا، انہوں نے رواں برس جنوری میں بھی استعفیٰ دیا تھا تاہم عمران خان نے تابش گوہر کا استعفٰی مسترد کرتے ہوئے انہیں کام جاری رکھنے کی ہدایت کرتے ہوئے انہیں یقین دلایا تھا کہ ان کے تحفظات دور کردیئے جائیں گے۔
The post خوشی ہے کہ تابش گوہر کے ساتھ کام کرنےکا موقع ملا ، حماد اظہر appeared first on .