برٹنی اسپیئرز کا انسٹا اکاؤنٹ کیوں بند کردیاگیا؟

مشہور پاپ گلوکارہ برٹنی اسپیئرز کا انسٹاگرام اکاؤنٹ مبینہ طور پر قواعد و ضوابط کی خلاف ورزی کے باعث بند کردیا گیا ہے۔

غیر ملکی خبر رساں ادارے کے مطابق حال ہی میں ایرانی نژاد شخص سے انسٹاگرام پر منگنی کا اعلان کرنے والی گلوکارہ کا کہنا ہے کہ انسٹاگرام نے کمیونٹی گائیڈ لائنز کی خلاف ورزی پر اُن کا اکاؤنٹ بند کردیا۔

گلوکارہ کے چاہنے والوں میں تشویش کی لہر دوڑ گئی ہے، جب مداح برٹنی اسپیئرز کا پروفائل کھولتے ہیں تو انہیں یوزر ناٹ فاؤنڈ دِکھتا ہے۔

خیال رہے کہ اس سے قبل امریکا کی مشہور و معروف پاپ گلوکارہ و اداکارہ برٹنی اسپیئرز نے دیرینہ ایرانی دوست سیم اصغری سے منگنی کی تھی۔

27 سالہ سیم اصغری ایران کے دارالحکومت تہران میں پیدا ہوئے ، 12 برس کی عمر میں لاس اینجلس منتقل ہوئے اور اب ایک کامیاب اداکار ہیں۔

The post برٹنی اسپیئرز کا انسٹا اکاؤنٹ کیوں بند کردیاگیا؟ appeared first on .