بیرونی طاقتوں کے پاؤں پڑنے والے نااہل ملکی بدنامی کا باعث رہے ہیں، ڈاکٹر شہباز گِل

    وزیراعظم عمران خان کے معاون خصوصی برائے سیاسی ابلاغ ڈاکٹر شہباز گِل کا کہنا ہے کہ  بیرونی طاقتوں کے پاؤں پڑنے والے نااہل ملکی بدنامی کا باعث رہے ہیں۔

تفصیلات کے مطابق  ڈاکٹر شہباز گِل نے شاہد خاقان عباسی کے بیان پر ردعمل دیتے ہوئے کہا ہے کہ درباری پن سے وزیراعظم بننے والے اپنے حلقے سے ہارے ہیں۔

 ڈاکٹر شہباز گِل کا کہنا تھا کہ آج عوام کے نام پر پراپیگنڈا کرنے والوں کو عوام 2018 میں مسترد کر چکے ہیں، آج جی حضوری کرنے والا نہیں ایبسلوٹلی ناٹ کہنے والا غیرت مند وزیراعظم ہے۔

ان کا کہنا تھا کہ  موصوف اپنے دور کی مہنگائی کو مارکیٹ کنڈیشن گردانتے رہے ہیں، 2018 کے دگرگوں معاشی حالات کو وزیراعظم عمران خان نے سنبھالا ہے۔

  ڈاکٹر شہباز گِل کا کہنا تھا کہ ایسا ممکن نہیں کہ کرپشن کا ذکر ہو اور وہاں شریف خاندان کا نام نہ آئے ،عدالتوں سے لیکر عالمی میڈیا تک میاں مفرور کرپشن اور چوری سے ہی جانے جاتے ہیں۔

انہوں نے کہا کہ براڈ شیٹ کے کاوی مساوی نواز شریف کو کرپٹ اور چور کا خطاب دے چکے ہیں،  امریکی ائیر پورٹ پر پینٹ اتروانے والے امریکی فون کے طعنے دے رہے ہیں۔

 ڈاکٹر شہباز گِل نے مزید کہا کہ پوری زندگی ملکی اداروں کو بدنام کرنے والے اداروں کے تحفظ کے نام پر سیاست کر رہے ہیں۔

The post بیرونی طاقتوں کے پاؤں پڑنے والے نااہل ملکی بدنامی کا باعث رہے ہیں، ڈاکٹر شہباز گِل appeared first on .