نہروں میں پڑنے والے شگاف کو جلد سے جلد پر کیا جائے،عثمان بزدار

وزیراعلیٰ پنجاب سردار عثمان بزدار نے کہا ہے کہ نہروں میں پڑنے والے شگاف کو جلد سے جلد پر کیا جائے۔

تفصیلات کے مطابق وزیراعلیٰ پنجاب سردار عثمان بزدار نے رحیم یار خان میں 2 نہروں میں شگاف پڑنے کے واقعہ کا نوٹس لیتے ہوئے سیکرٹری آبپاشی اور کمشنر بہاولپور ڈویژن سے رپورٹ طلب کر لی۔

وزیراعلیٰ پنجاب سردار عثمان بزدار کا نہروں میں پڑنے والے شگاف کی تحقیقات کا حکم دیتے ہوئے کہنا تھا کہ نہروں میں پڑنے والے شگاف کو جلد سے جلد پر کیا جائے جبکہ نہروں میں شگاف پر کرنے کیلئے ضروری وسائل اور مشینری استعمال میں لائی جائے۔

سردار عثمان بزدار کا کہنا تھا کہ محکمہ آبپاشی کے حکام اور انتظامی افسران نہروں میں شگاف کو پر کرنے کے عمل کی خود نگرانی کریں گئے۔

وزیراعلیٰ پنجاب سردار عثمان بزدار کا کہنا تھا کہ متاثرہ علاقوں میں فی الفور امدادی سرگرمیاں شروع کی جائیں جبکہ شگاف پڑنے کے واقعہ کی انکوائری کرکے رپورٹ بھی پیش کی جائے۔

 وزیراعلیٰ عثمان بزدار نے پی ڈی ایم اے کے حکام کو موقع پر پہنچ کر صورتحال کا جائزہ لینے کی ہدایت بھی دے دی۔

The post نہروں میں پڑنے والے شگاف کو جلد سے جلد پر کیا جائے،عثمان بزدار appeared first on .