مظفرگڑھ: پولیس کی کارروائی، جھوٹے مقدمات درج کروانے والا گروہ گرفتار

مظفرگڑھ میں تھانہ سول لائنز پولیس نے کارروائی کر کے جھوٹے مقدمات درج کروانے والا گروہ گرفتار کرلیا ہے۔

اس ضمن میں پولیس ترجمان کا کہنا ہے کہ مظفرگڑھ میں کرائے کے مدعیوں سے مخالفین پر جھوٹے مقدمات درج کروانے والا گروہ بے نقاب کروا لیا گیا ہے۔

پولیس ترجمان نے کہا ہے کہ گرفتار ملزمان نے15000 روپے سے اپنے ساتھ زیادتی کا بیان دلوانے کیلئے نوجوان کو راجن پور سے ہائیر کیا گیا تھا۔

پولیس ترجمان نے بتایا ہے کہ مقدمہ درج کروانے والے گواہ ہی اپنے مخالفین پر زیادتی کا جھوٹا مقدمہ درج کروانا چاہتے تھے۔

پولیس ترجمان نے بتایا ہے کہ گرفتار ملزمان کے خلاف  پہلے بھی اغوا، بد فعلی اور چوری کے جھوٹے مقدمات درج کروائے گئے تھے۔

پولیس ترجمان نے بتایا ہے کہ مظفرگڑھ کے ایس ایچ او افتخار ملکانی نے ابتدائی تحقیقات میں گروہ کو بے نقاب کیا ہے۔

پولیس ترجمان نے بتایا ہے کہ غلط انفارمیشن دینے پر 3 ملزمان کے خلاف مقدمہ درج کر کے تینوں کو گرفتار کر لیا گیا ہے

پولیس ترجمان نے مزید بتایا ہے کہ ڈی پی او محمد حسن اقبال کی ہدایات پر جھوٹے مقدمات درج کروانے والوں کی ہر فورم پر حوصلہ شکنی کروائی جائیگی۔

The post مظفرگڑھ: پولیس کی کارروائی، جھوٹے مقدمات درج کروانے والا گروہ گرفتار appeared first on .