اسٹار فٹبالر لیونل میسی کا مہنگا ترین  کنٹریکٹ سامنے آگیا

ارجنٹائن کے اسٹرائیکر لیونل میسی کا مہنگا ترین کنٹریکٹ سامنے آ گیا، میسی کی تین سال کی تنخواہ 21 ارب روپے سے زائد ہے۔

تفصیلات کے مطابق  فٹبال کی تاریخ میں لیونل میسی  مہنگے ترین کھلاڑی ہیں تاہم برازیل  ٹیم کے فٹ بالر نیمار کی بھی تنخواہ اتنی ہی ہے جتنی میسی کی۔

فٹبال سے متعلق خبریں دینے والی ویب سائٹ گول ڈاٹ کام کے مطابق ارجنٹائن کے اسٹرائیکر کے معاہدے میں انھیں کرپٹو کرنسی میں ادائیگی بھی شامل ہے۔

اسٹار فٹبالر میسی کو 1یک ملین یورو کرپٹو کرنسی میں بھی دی جائے گی، پی ایس جی کے ساتھ تین سالوں کے دوران میسی مجموعی طور پر 110 ملین یورو (129 ملین ڈالرز، 21 ارب 68 کروڑ 49 لاکھ روپے) کمائیں گے۔

گول ڈاٹ کام ویبسائٹ کے مطابق  لیونل میسی پیرس سیٹ جرمین میں شمولیت کے بعد فی سیزن ٹیکس کٹوتی کے بعد 30 ملین یورو (35 ملین ڈالر، 5 ارب 88 کروڑ روپے سے زائد) وصول کریں گے۔

اسی کے ساتھ ساتھ برازیل کے  فٹبالر نیمار بھی فرانس کے ساتھ کھیلتے ہوئے سالانہ 30 ملین یورو کمائیں گے جبکہ فرانس کے ہیرو کیلیان مباپے ان سے پیچھے رہ گئے ہیں، ٹیکس کٹوتیوں کے بعد وہ سالانہ صرف 12 ملین یورو ہی کما سکیں گے۔

واضح رہے کہ میسی نے بارسلونا چھوڑنے کے بعد پیرس سینٹ جرمین میں شمولیت اختیار کی تھی۔

The post اسٹار فٹبالر لیونل میسی کا مہنگا ترین  کنٹریکٹ سامنے آگیا appeared first on .