پی ٹی آئی کے اپنے لوگ ان کو چھوڑنے کےلئے تیار بیٹھے ہیں، عظمیٰ بخاری

مسلم لیگ(ن) پنجاب کی ترجمان عظمیٰ بخاری کا کہنا ہے کہ پاکستان تحریک انصاف کے اپنے لوگ ان کو چھوڑنے کےلئے تیار بیٹھے ہیں۔

تفصیلات کے مطابق مسلم لیگ(ن) پنجاب کی ترجمان عظمیٰ بخاری نے اظہر عباس چانڈیا کی عثمان بزدار سے ملاقات پر ردعمل دیتے ہوئے ہے کہ اظہر عباس چانڈیا کو مسلم لیگ(ن) نے معافی تلافی کے باوجود قبول نہیں کیا ہے۔

عظمیٰ بخاری کا کہنا تھا کہ اظہر عباس چانڈیا کو مسلم لیگ(ن) سے نکالا جا چکا ہے،یہ تحفے شوق سے قبول فرمائیں۔

انہوں نے کہا کہ تحریک انصاف کے لوگ مسلم لیگ(ن) کے ٹکٹ کی یقین دہانی مانگ رہے ہیں، ان لوگوں کا کہنا ہے اگر ہمیں ٹکٹ کی گارنٹی دیں ہم ان کی حکومت کو ٹھوکر مارنے کو تیار ہیں۔

عظمیٰ بخاری نے کہا کہ جنوبی پنجاب محاذ بھی اڑان بھرنے کی تیاریاں کررہا ہے، عثمان بزدار آپ کی کارکردگی کی وجہ سے ہی کنٹونمنٹ الیکشن میں پنجاب میں آپ تیسرے نمبر پہ آئے ہیں۔

انہوں نے یہ بھی کہا کہ مسلم لیگ(ن)عوام کی مدد سے انشاءاللہ اگلی حکومت بنانے کی تیاریوں میں ہے۔

The post پی ٹی آئی کے اپنے لوگ ان کو چھوڑنے کےلئے تیار بیٹھے ہیں، عظمیٰ بخاری appeared first on .