قومی اسکواڈ میں شامل کھلاڑی آج شام لاہور کے مقامی ہوٹل میں رپورٹ کریں گے

پاکستان ٹی ٹوئنٹی اسکواڈ میں شامل 5 کھلاڑی آج شام لاہور کے مقامی  ہوٹل میں رپورٹ کریں گے۔

تفصیلات کے مطابق محمد حفیظ ، صہیب مقصود ، آصف علی ،عماد وسیم اور اعظم خان رپورٹ کرنے والوں میں شامل ہیں ، عمر رشید اور مساجر محمد عمران بھی کھلاڑیوں کے ہمراہ ہوں گے۔

ذرائع کا کہنا ہے کہ ہوٹل پہنچنے پر اسکواڈ ارکان کی کوویڈ 19 ٹیسٹنگ ہوگی، کوویڈ 19 ٹیسٹنگ کے رزلٹ منفی آنے پرہی یہ تمام کھلاڑی 19 ستمبر سے قذافی اسٹیڈیم لاہور میں ٹریننگ کا آغاز کریں گے۔

واضح رہے کہ  پاکستان اور نیوزی لینڈ کی ٹیموں کے درمیان پانچ ٹی ٹوئنٹی میچز کی سیریز قذافی اسٹیڈیم میں کھیلی جائے گی۔

یاد رہے کہ کہ  پاکستان اور نیوزی لینڈ ٹیموں کے مابین اب تک 107 ون ڈے کھیلے جاچکے ہیں، جن میں سے 55 میں پاکستان جبکہ 48 میں نیوزی لینڈ نے کامیابی حاصل کی ہے، 1 میچ برابر جبکہ 3 بے نتیجہ ختم ہوئے۔

خیال رہے کہ نیوزی لینڈ نے آخری مرتبہ 2003 میں پاکستان کا دورہ کیا تھا۔

The post قومی اسکواڈ میں شامل کھلاڑی آج شام لاہور کے مقامی ہوٹل میں رپورٹ کریں گے appeared first on .