ایکٹیمرا انجکشن صرف پاکستان میں ہی نہیں دنیا بھر میں شارٹ ہے، صوبائی وزیر صحت

صوبائی وزیر صحت ڈاکٹر یاسمین راشد کا کہنا ہے کہ ایکٹیمرا انجکشن صرف پاکستان میں ہی نہیں دنیا بھر میں شارٹ ہے۔

تفصیلات کے مطابق صوبائی وزیر صحت ڈاکٹر یاسمین راشد نے میڈیا سے گفتگو کرتے ہوئے کہا کہ ہم نے تمام پیرا میڈک اسٹاف اور تمام ڈاکٹرز کو پیشنٹ سیفٹی کے حوالے سے ٹیون کرنا ہے۔

یاسمین راشد نے کہا ہے کہ آج سے پہلے کبھی اس حوالے سے کسی نے دھیان نہیں دیا، اس اسپتال میں خواتین کے کینسر کا پورا شعبہ ہے، ایکٹیمرا انجکشن صرف پاکستان میں ہی نہیں دنیا بھر میں شارٹ ہے، کمپنی کے پاس رہ میٹیریئل شارٹ ہے جس کی وجہ سے انہوں نے دنیا بھر سے معذرت کی ہے۔

صوبائی وزیر صحت کا کہنا ہے کہ لوگ ڈپریشن میں اوپن مارکیٹ کا رخ کرتے ہیں جس کے باعث مارکیٹ میں جعل سازی شروع ہوئی ہے، پنجاب ہیلتھ کیئر کمیشن کو اس حوالے سے ہدایت کر دی گئی ہے۔

یاسمین راشد نے کہا ہے کہ میو اسپتال میں تشدد کے معاملے ہر انکوائری کر رہے ہیں، جہاں تک کارکردگی کی بات ہے ٹیم لیڈر اس میں بہت اہم ہوتا ہے، میری کارکردگی اس لئے بہتر ہے کہ وزیر اعلی کی ہر وقت مجھے بیکنگ حاصل ہے۔

صوبائی وزیر صحت ڈاکٹر یاسمین راشد نے مزید کہا ہے کہ ہم ایک بہت ذہین قوم ہیں لیکن ہماری ذہانت چیٹنگ پر استعمال ہوتی ہے، اگر ہم صحیح ذہانت کا استعمال کرتے تو چاند پر جاسکتے تھے، لیکن ہم اپنی ذہانت کا استعمال اس پر کرتے ہیں کہ کیسے ٹیکہ لگوائے بغیر سرٹیفکیٹ حاصل کریں۔

The post ایکٹیمرا انجکشن صرف پاکستان میں ہی نہیں دنیا بھر میں شارٹ ہے، صوبائی وزیر صحت appeared first on .