پاکستان پر امن افغانستان چاہتا ہے، وزیراعظم

وزیراعظم عمران خان نے کہا ہے کہ پاکستان پر امن اور مستحکم افغانستان چاہتا ہے۔

تفصیلات کے مطابق وزیراعظم عمران خان کی ایرانی صدر ابراہیم رئیسی سے ایس سی او کی سائیڈلائن پر دوشنبے میں ہونے والی ملاقات کا اعلامیہ جاری کردیا گیا ہے۔

Prime Minister @ImranKhanPTI meets H.E. Ebrahim Raisi, President of Iran at Dushanbe.#PMIKvisitsTajikistan#PMIKatSCOSummit pic.twitter.com/bwGf9TL1P0

— Prime Minister’s Office, Pakistan (@PakPMO) September 16, 2021

اعلامیے کے مطابق ملاقات میں دو طرفہ تعلقات، معاشی میدان اور تعاون بڑھانے پر گفتگو کی گئی جبکہ دونوں رہنماؤں نے دو طرفہ تعلقات، خطے اور باہمی دلچسپی کے عالمی امور پر تبادلہ خیال کیا۔

ملاقات میں وزیراعظم عمران خان نے انتخابات میں کامیابی پر ایرانی صدر کو مبارکباد دی جبکہ وزیراعظم نے پاکستان کی معاشی سیکیورٹی ایجنڈا سے بھی آگاہ کیا۔

اس موقع پر وزیراعظم نے مقبوضہ کشمیر میں سنگین انسانی حقوق کی خلاف ورزیوں سے آگاہ کیا جبکہ وزیراعظم نے کشمیر تنازعے پر ایران کی مستقل حمایت پر شکریہ ادا بھی کیا۔

وزیراعظم عمران خان نے کہا کہ ایرانی حمایت کشمیری عوام میں حق خودارادیت کے لیے جذبہ کی علامت ہے، پاکستان ایران کے ساتھ دو طرفہ برادرانہ تعلقات کو مزید مضبوط کرنا چاہتا ہے۔

دوسری جانب وزیراعظم عمران خان نے پاکستان تاجکستان مشترکہ بزنس فورم سے خطاب کرتے ہوئے کہا کہ تقریب کا مقصد پاکستان تاجکستان کے تاجروں سے مخاطب ہونا ہے ، فورم کا مقصد دونوں ممالک کے کاروباری روابط بڑھانا ہے۔

وزیراعظم عمران خان نے کہا کہ تاجکستان آکر خوشی ہوئی ، پاکستانی کاروباری طبقے کیلئےآسانیاں پیداکررہےہیں ، بدقسمتی سے پاکستان میں بجلی مہنگی ہے ، توانائی کے منصوبے کاسا1000کی جلد تکمیل چاہتے ہیں ، افغانستان میں امن خطے کیلئے اہم ہے۔

واضح رہے کہ اس سے قبل وزیراعظم عمران خان کی  قازقستان کے صدر سے ملاقات دوشنبے میں ایس سی او کی سائیڈلائن پر ہوئی اور دو طرفہ تعلقات اور خطے کی صورتحال پر تبادلہ خیال کیا گیا۔

وزیراعظم عمران خان کی تاجک ہم منصب سے بھی ملاقات ہوئی ، ملاقات میں دو طرفہ تعلقات اور خطے کی صورتحال پر گفتگو کی گئی۔

ذرائع کے مطابق اس مو قع پر افغانستان کی صورتحال پر بھی تبادلہ خیال کیا گیا۔

یاد ہے وزیر اعظم عمران خان 2 روزہ دورے پرتاجکستان پہنچ گئے ہیں، دورے کے دوران وزیر اعظم 20 ویں شنگھائی تعاون تنظیم کے اجلاس میں شرکت اور پاکستان تاجکستان بزنس فورم کے پہلے اجلاس کا افتتاح کریں گے۔

The post پاکستان پر امن افغانستان چاہتا ہے، وزیراعظم appeared first on .