Zeal News Pakistan First Complete Media Group
پاکستان شوبز انڈسٹری کی نامور خوبرو اداکارہ ایمن خان اپنی جڑواں بہن منال خان کی شادی پر اپنے والد کی کمی محسوس کرتے ہوئے جذباتی ہوگئیں۔
سوشل میڈیا رپورٹس کے مطابق اداکارہ ایمن خان نے سوشل میڈیا سائٹ انسٹاگرام پر اپنی جڑواں بہن منال خان کی شادی کے موقع پر لی گئی ایک خوبصورت فیملی فوٹو شیئر کی اور ساتھ کیپشن میں لکھا کہ بابا! آپ کے بغیر سب کچھ ادھورا ہے۔
View this post on Instagram
اداکارہ نے اپنے مرحوم والد سے مخاطب ہوتے ہوئے جذباتی انداز میں مزید لکھا کہ ہم سب نے آپ کو یاد کیا ہم آپ کو نہیں دیکھ سکے لیکن ہم سب نے آپ کی موجودگی کو وہاں محسوس کیا۔
اداکارہ کی جانب سے انسٹاگرام پر شیئر کی گئی ان تصویروں میں ایمن خان کے ساتھ اُن کی والدہ، تینوں بھائی اور دلہن جڑواں بہن منال خان بھی موجود ہے۔
اداکارہ کی اس جذباتی پوسٹ پر اُن کے مداح بھی اُداس ہوگئے ہیں اور وہ پوسٹ پر تبصرے کرتے ہوئے منال خان کو حوصلہ دے رہے ہیں۔
واضح رہےکہ اداکار احسن محسن کے ساتھ رشتہ ازدواج میں منسلک ہونے والی خوبرو اداکارہ منال خان بھی اپنی شادی کے بعد والد کی یاد میں جذباتی ہوگئیں۔
سوشل میڈیا رپورٹس کے مطابق منال خان نے فوٹو اینڈ ویڈیو شیئرنگ ایپ انسٹاگرام پر اپنی شادی کی تقریب میں لی گئیں کچھ خوبصورت تصویریں شیئر کیں اور ساتھ ہی جذباتی انداز میں کیپشن میں لکھا کہ بابا! ہر چیز سے زیادہ آپ کو یاد کیا۔
View this post on Instagram
یاد رہےکہ گزشتہ دنوں اداکار احسن محسن کے ساتھ رشتہ ازدواج میں منسلک ہونے والی خوبرو اداکارہ منال خان نے شادی کے فوراً بعد ہی اپنے انسٹاگرام اکاؤنٹ کا نام بھی تبدیل کردیا ہے۔
منال خان نے فوٹو اینڈ ویڈیو شیئرنگ ایپ انسٹاگرام پر موجود اپنے تصدیق شدہ اکاؤنٹ کا نام منال خان سے تبدیل کر کے منال احسن کردیا ہے۔
اداکارہ کے انسٹاگرام اکاؤنٹ کے نام تبدیل کرنے کی خبر تیزی سے سوشل میڈیا کے مختلف پیجز پر شیئر کی جارہی ہے جہاں صارفین اور شوبز انڈسٹری کی اس نئی جوڑی کو مبارکباد دے رہے ہیں۔
یادرہے کہ گزشتہ 10 ستمبر بروز جمعے کو منال خان احسن محسن اکرام کے ساتھ رشتہ ازدواج میں منسلک ہوئی۔
The post بابا کے بغیر سب کچھ ادھورا ہے، ایمن کو بھی مرحوم والد کی یاد ستانے لگی appeared first on .
