ویکسی نیشن کے حوالے سے اسد عمر نے اہم خبر سنادی

پاکستان بھر میں کورونا وائرس سے بچاؤ کےلئے ویکسی نیشن کا عمل جاری ہے۔ اسی حوالے سے وفاقی وزیر اسد عمر نے نئے اعدادوشمار اور اقدامات کے بارے میں اہم خبرعوام سے شیئر کی ہے۔

تفصیلات کے مطابق  سماجی رابطے کی ویب سائٹ ٹوئٹر پر جاری کردہ اپنے پیغام میں نیشنل کمانڈ اینڈ آپریشن سینٹر کے سربراہ اور وفاقی وزیر منصوبہ بندی اسد عمر کا کہنا ہے کہ سال کےآخرتک7کروڑافراد کو ویکسین لگانےکا ہدف رکھا گیا تھا ، ہم جلد اپنے طے کردہ ہدف سے تجاوز کر جائیں گے۔

In the early days of the vaccination campaign we had set a daunting target of vaccinating 7 crore people by the end of this year. Happy to report that 5 crore people have now recieved atleast 1 dose. More than 2 crore fully vaccinated. Inshallah will meet & surpass the target.

— Asad Umar (@Asad_Umar) September 10, 2021

انہوں نے اپنے پیغام میں مزید بتا یاکہ  سال کے آخر تک7 کروڑافراد کوویکسین لگانےکا ہدف رکھا گیاتھا، جس میں سے 5کروڑسےزیادہ افراد کو ویکسین کی پہلی خوراک لگ چکی ہے اور 2کروڑسےزیادہ افراد کو مکمل ویکسین لگائی جاچکی ہے، ہم جلد اپنے طےکردہ ہدف سے تجاوز کر جائیں گے۔

واضح رہےکہ کورونا وائرس کے بڑھتے کیسز کے پیش نظر کراچی کے علاقے کورنگی کے ہاٹ اسپاٹ ایریاز میں اسمارٹ لاک ڈاؤن نافذ کردیا گیاہے۔

 ڈپٹی کمشنر کورنگی نے ہاٹ اسپاٹ ایریاز کی نشاندہی کے بعد کورنگی کے مخصوص علاقوں اور گلیوں میں اسمارٹ لاک ڈائون نافذ کردیا ہے۔

جاری کردہ نو ٹی فکیشن کے مطابق  اسمارٹ لاک ڈاؤن دوہفتےکیلئے 23ستمبر تک نافذ العمل ہوگا۔

ذرائع کے مطابق کورنگی کے علاقے یوسی دس اور ماڈل کالونی یو سی ایک میں کیسز رپورٹ ہوئے ، ڈی سی کورنگی کا اس حوالے سے کہنا ہےکہ دو یوسیز میں 13 کورونا کیسز رپورٹ سامنے آنے کے بعد لاک ڈاؤن نافذ کیا گیا ہے۔

ڈسٹرکٹ کورنگی کے سب ڈویژن کورنگی کے یونین کونسل نمبر 10 اور ماڈل سب ڈویژن کےیونین کونسل نمبر 1 میں مائیکرواسمارٹ بھی لاک ڈاؤن نافذ کیا گیا ہے۔

لاک ڈاؤن ہاٹ اسپاٹ علاقوں میں ڈسٹرکٹ ہیلتھ آفیسر کی رپورٹ کے مطابق لگایا گیا ہے۔

نوٹی فکیشن میں کہا گیا ہے کہ مائیکرو اسمارٹ لاک ڈاؤن والے ایریاز میں کسی بھی قسم کے اجتماعات اور تقریبات پر مکمل پابندی ہوگی اور ہاٹ اسپاٹ ایریاز میں ایس او پیز پر سختی سے عملدرآمد کروایا جائے گا۔

نوٹی فکیشن کے مطابق مائیکرو اسمارٹ لاک ڈاؤن والے ایریاز میں ماسک کا استعمال لازمی قرار دیا گیا ہے۔

اس کے علاوہ کہا گیا ہے کہ اسسٹنٹ کمشنر کورنگی اور اسسٹنٹ کمشنر ماڈل اپنے اپنے سب ڈویژن میں اسمارٹ لاک ڈاؤن والے علاقے میں ایس او پیز کو لازمی فالو کروائیں۔

واضح رہے کہ ترجمان سندھ حکومت مرتضیٰ وہاب نے کہا ہے کہ سندھ حکومت نے جمعے کو بھی مارکیٹیں کھولنے کا فیصلہ کیا ہے۔

مرتضیٰ وہاب نے ایک نجی ٹی وی چینل کے پروگرام میں فون پر گفتگو کرتے ہوئے کہا کہ جمعے کو مارکیٹیں کھلیں گی، اب ہفتے میں صرف اتوار کو مارکیٹیں بند رہیں گی۔

انہوں نے مزید کہا کہ کورونا کیسز کی شرح میں بھی کمی آئی ہے۔

The post ویکسی نیشن کے حوالے سے اسد عمر نے اہم خبر سنادی appeared first on .