وزیراعظم نے پوری دنیا میں ناموس رسالت پر آواز اٹھائی،طاہر اشرفی

وزیر اعظم کے نمائندہ خصوصی برائے بین المذاہب ہم آہنگی و مشرق وسطی حافظ طاہر اشرفی نے کہا ہے کہ وزیر اعظم عمران خان نے پوری دنیا میں ناموس رسالت پر جس طرح  آواز اٹھائی اس کی مثال نہیں ملتی۔

تفصیلات کے مطابق وزیراعظم کے نمائندہ خصوصی برائے بین المذاہب ہم آہنگی ومشرق وسطی حافظ طاہر اشرفی نے پریس کانفرنس کرتے ہوئے کہا کہ  عقیدہ ختم نبوت کا ہر مسلمان چوکیدار ہے، جو لوگ سیاسی میدان میں مقابلہ نہیں کر سکتے وہ اب جھوٹ بولنا شروع ہو گئے ہیں ۔

حافظ طاہر اشرفی کا کہنا تھا کہ ایک جماعت کے سربراہ نے کل  بہت بڑا جھوٹ بولا کہ تحریک انصاف کی حکومت ناموس رسالت اور عقیدہ ختم نبوت کا قانون ختم کرنے جارہی ہے ۔

ان کا کہنا تھا کہ میں چیلنج کرتا ہوں کہیں بیٹھ جائیں مناظرہ کر لیں عمران خان رسول عربی کے غلام ہیں ۔

وزیر اعظم کے نمائندہ خصوصی برائے بین المذاہب ہم آہنگی و مشرق وسطی حافظ طاہر اشرفی  کا مزید کہنا تھا کہ بھارت افغانستان میں بری طرح پٹ چکا ہے، بھارت پاکستان کے خلاف سازشوں میں مصروف ہے ۔

The post وزیراعظم نے پوری دنیا میں ناموس رسالت پر آواز اٹھائی،طاہر اشرفی appeared first on .