بونی (زیل نمائندہ) سب ڈویژن مستوج انتظامیہ کے تعاون سے ‘زندگی ایک نعمت ہے’ کے موضوع پر گورنمنٹ گرلز کالج بونی میں ایک روزہ سیمینار کا انعقاد کیا گیا ۔ ضلعی خطیب مولانا فضل مولا صدر محفل اور الواعظ شیرامین شاہ مہمان خصوصی تھے۔ سیمینار میں کثیر تعداد میں خواتین و حضرات نے شرکت کی۔سیمینار کے شروع میں کالج ہذا کے پرنسپل سیدہ نگہت پروین نے خطبہ استقبالیہ پیش کرتے ہوئے اسسٹنٹ کمشنر بونی کا شکریہ ادا کیا اور کہا کہ اس طرح کی تقریبات کے انعقاد وقت کا تقاضا ہے۔ اس موقع پر ماہر نفسیات ناہیدہ پروین اور شازیہ نے دماغی صحت کے بارے اپنے خیالات کا اظہار کیے۔ پرنسپل آغا خان ہائیر سیکنڈری سکول سلطانہ برہان الدین نے برقی آلات کے فوائد و نقصانات کے حوالے سے جامع گفتگو کی۔انہوں نے کہا کہ تحقیق کے مطابق 11سال کے بچوں اور بچیوں میں مسلسل ٹی وی سکرین اور موبائل کے سامنے بیٹھنے سے بلڈ پریشر اور موٹا پے کی بیماریاں رپورٹ ہوچکی ہیں ۔ اس موقع پر سابق پرنسپل نور صاحبہ نے خواتین کے حقوق پر سیر حاصل گفتگو کی۔ سیمینار میں اسسٹنٹ کمشنر مستوج نے اپنے خیالات کا اظہار کرتے ہوئے کہا کہ اپر چترال ایک پر امن علاقہ ہے یہاں پر بچیوں کی خودکشی کے روک تھام پر کام کرنا وقت کی ضرورت ہے اور اس سلسلے میں سب ڈویژن مستوج کا انتظامیہ اپنا بھرپور کردار ادا کرے گی۔ خودکشی کے روک تھام کےلیے آگہی پروگراموں کا انعقاد وقت کی اہم ضرورت ہے۔ سیمینارکےمہمان خصوصی الواعظ شیرامیر شاہ اورصدر محفل ڈسٹرکٹ خطیب فضل مولا نے موضوع پر سیر حاصل گفتگو کرتے ہوئے زندگی کی نعمت کی افادیت کو اجاگر کیا۔ پروگرام کے آخر میں سوالات و جوابات کا سیشن بھی ہوا جس میں معاشرے کے ابھرتے ہوئے مسائل کے حوالے سے سوالات کئے گئے جن کے جوابات سیمینار میں موجود اسکالرز نے دئیے۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023