چترال(زیل نمائندہ) ملک کے دوسرے علاقوں کی طرح چترال میں بھی جشن آزادی شایان شان طریقے سے منایا گیا۔مرکزی تقریب چترال سکاؤٹس ،ضلعی انتظامیہ اور ضلعی حکومت کے مشترکہ تعاون سے پولوگراؤنڈ چترال میں منعقد ہوئی۔بہت بڑی تعداد میں خواتین و حضرات، تعلیمی اداروں کے طلبہ اور زندگی کے مختلف شعبوں سے تعلق رکھنے والے افراد نے شرکت کی۔ پرچم کشائی کی تقریب کے بعد بچوں کے ملی نغموں سے فضا گونج اٹھی اور ہر طرف پاکستان زندہ باد اورجشن آزادی کے فلگ شگاف نعرے بلند ہوئے۔ اس موقع پر تقریب سے خطاب کرتے ہوئے کمانڈنٹ چترال سکاؤٹس کرنل معین الدین نے کہا کہ آزادی سے بڑھ کر کوئی چیزقیمتی نہیں ہوتی اور آج ہم اس قیمتی چیز کی قدروقیمت کو جانتے ہوئے آزادی کی ۷۱ویں تقریب منارہے ہیں۔ انہوں نے کہا کہ یہ آزادی ہمیں بیش بہا قربانیوں کے نتیجے میں ملی ہے جس کی ہمیں ہر لمحے میں قدرکرنی چاہئیے۔ تقریب سے خطاب کرتے ہوئے ڈپٹی کمشنر چترال خورشید عالم محسود نے کہا کہ آزادی ایک بڑی نعمت ہے اس سے بڑھ کر دنیا میں کوئی چیز نہیں۔ آزادی کا دن منانا بھی ہم سب پر لازم ہے۔اس موقع پر ضلع ناظم حاجی مغفرت شاہ نے کہا کہ آزادی کی حفاظت ہماری اجتماعی اور قومی ذمہ داری ہے۔ آزادی کی قدر و قیمت مقبوضہ کشمیر اور فلسطین کے مسلمانوں سے پوچھنی چاہیے جو بھارت اور اسرائیل کے ظلم کا شکار ہیں۔ آزادی کا جشن مناتے ہوئے ہمیں عہد کرنا چاہیے کہ پاکستان کی ترقی کے لیے ہر ممکن کوشش کریں گے۔ وطن عزیز کی سالمیت پر کبھی آنچ نہیں آنے دیں گے اور وقت آنے پر پاک فوج، پولیس اور قانون نافذ کرنے والے اداروں کے شانہ بشانہ کھڑیں ہوں گے جو دہشتگردوں کے خلاف سربکف ہیں۔جشن آزادی کی تقریب سے دوسرے مقررین نے بھی خطاب کرتے ہوئے آج کے دن کو ہماری تاریخ کا ایک اہم دن قراردیا۔ اس موقع پر بچوں نے تحریک پاکستان کے موضوع پر تقاریر کے ساتھ ملی نغمے ،خاکے اور آزادی کے گیت پیش کیے۔ چترال سکاؤٹس،چترال پولیس اورچترال لیویز کے چاق و چوبند جوانوں نے سلامی دی اور سکول کے بچوں نے پی ٹی شو کا بھی مظاہرہ کیا۔ جشن آزادی کے تقریب کے بعد ایک دوستانہ پولو میچ کا بھی اہتمام کیا گیاجس میں شائقین کی کثیر تعداد موجود تھی۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023