بچوں سے زیادتی کے واقعات کے اسباب اور سدبات کے حوالے سے آگاہی مہم

چترال ( نمائندہ زیل ) ڈی۔پی۔او چترال محمد فرقان بلال(PSP)کی خصوصی ہدایت پر چترال کے 18 تھانوں کے حدود میں PLC ممبران سے بچوں سے زیادتی کے واقعات کی روک تھام کے سلسلے میں میٹنگ کا اہتمام کیا گیا۔

اس کے علاوہ زندگی کے مختلف شعبوں سے تعلق رکھنے والے افراد نے پولیس کے ساتھ مل کر واک میں شرکت کی۔اس واک کا مقصد چترال کی عوام میں بچوں سے زیادتی کے واقعات کی اسباب اور اس کے سدباب کی آگاہی مہم اور علاقائی سطح پر عوام میں شعور پیدا کرنا ،

تاکہ ملک کے دیگر اضلاع میں پیش آنے والے واقعات سے بچا جاسکے۔ڈی۔پی۔او چترال نے اپنے بیان میں کہا کہ چترال ایک پرامن ضلع ہے اس کے خوبصورت ماحول کو کسی بھی صورت خراب ہونے نہیں دیں گے۔ اس سلسلے میں خصوصی پروگرامات کیے جائیں گے تاکہ علاقہ میں غیر یقینی صورتحال سے بچاجاسکے۔اس کے علاوہ انہوں نے عوام سے یہ استدعا کی کہ علاقہ کے معتبرات مساجد کی سطح پر اس سلسلے میں اعلانات کرائیں۔