اداکارہ عتیقہ اوڈھو کا تیسری شادی سے متعلق اہم انکشاف

سینئر اداکارہ عتیقہ اوڈھو کا کہنا ہے کہ دو شادیوں کی مسلسل ناکامی کے بعد تیسری شادی کے لئے انہوں نے ڈاکٹر ثمر کو خود شادی کی پیشکش کی تھی۔

انہوں نے ایک ویب انٹرویو میں پہلی مرتبہ اپنی نجی زندگی کے حوالے سے کھل کر بات کی۔

عتیقہ اوڈھو کا کہنا تھا کہ 10 برس تک چلنے والی پہلی شادی کی ناکامی کے بعد انہوں نے اپنی ہی مرضی سے دوسری شادی کی تھی مگر وہ بھی کامیاب نہ ہوسکی۔

اداکارہ نے تیسری شادی کے حوالے سے بتایا کہ ڈاکٹر ثمر کو انہوں نے خود شادی کی پیشکش کی تھی۔

انہوں نے کہا کہ شادی کے فیصلے کے بعد ہم نے خاموشی سے نکاح کا فیصلہ کیا تھا۔

عتیقہ اوڈھو نے کہا کہ ہمارا نکاح ہوا تو اس میں ثمر اور میرے بچوں ، نواسے نواسیوں سب نے شرکت کی اور جب میرا نکاح پڑھایا جارہا تھا اس وقت میرا نواسہ میری گود میں تھا۔

اداکارہ نے کہا کہ وہ خود کو خوش قسمت تصور کرتی ہیں کیونکہ انہیں زندگی میں 3 بار محبت کرنے کا موقع ملا۔

خیال رہے کہ عتیقہ اوڈھو جون 2012 میں ثمر علی خان سے رشتۂ ازدواج میں منسلک ہوئی تھیں۔

ڈاکٹر ثمر علی خان  2013 سے 2018 تک رکن سندھ اسمبلی رہ چکے ہیں۔

The post اداکارہ عتیقہ اوڈھو کا تیسری شادی سے متعلق اہم انکشاف appeared first on .