راشد منہاس روڈ پر تیز ہواؤں کے باعث بجلی کے کھمبے گر گئے

شہرقائد کے علاقے راشد منہاس روڈ پر  تیز ہواؤں کے باعث بجلی کے 2 کھمبے گر گئے ہیں۔

تفصیلات کے مطابق کھمبے ملینیم مال کے سامنے موجود پل سے نیچے گرے ہیں، ایک کھمبا سڑک پر موجود رکشے پر گرا اور دوسرا کھمبا  پل پر موجود تیز ہواؤں کے باعث ایک طرف جھگ گیا ہے۔

خیال رہے کہ ٹریفک پولیس بھی موقع پر موجود ہے جبکہ ٹریفک کو سڑک کی دوسری طرف سے چلایا جارہا ہے۔

واضح رہے کہ آج شہر میں  ہوا کا کم دباؤ ڈپریشن بن چکا ہے، آج رات تک ڈیپ ڈپریشن بن جائے گا ، کل صبح سمندری طوفان بننے کے قوی امکانات ہیں، شہر میں آج دوپہر سے تیز بارش کے امکانات ہیں۔

یاد رہے کہ محکمہ موسمیات نے بتایا ہے کہ  شہر میں 30 کلو میٹر فی گھنٹہ کی رفتار سے ہوا چل رہی ہین ، بارش کے دوران آندھی چلنے کے بھی امکانات ہیں ، اس دوران ہوا کی رفتار 75 تا 80 کلو میٹر فی گھنٹہ ہوسکتی ہے۔

The post راشد منہاس روڈ پر تیز ہواؤں کے باعث بجلی کے کھمبے گر گئے appeared first on .