Zeal News Pakistan First Complete Media Group
مرتضی وہاب نے کہا ہے کہ کوویڈ 19 کے دوران بھی مریضوں کی غیر معمولی دیکھ بھال پر اپنے ہیلتھ کیئر ہیروز کا شکریہ ادا کرنا چاہتے ہیں۔
تفصیلات کے مطابق ایڈمنسٹریٹر کراچی بیرسٹر مرتضی وہاب نے ورلڈ ھارٹ ڈے کے موقعے پر این آی سی وی ڈی میں شرکت کی۔
ذرائع نے کہا کہ امراض قلب کے علاج کے لیے سرکردہ ادارے این آئی سی وی ڈی (NICVD) فارما سوٹیکل کمپنی فیروز سنز لیبارٹریز لمیٹڈ کے ساتھ اشتراک سے عالمی یوم قلب کے موقع پر ایڈمنسٹریٹر کراچی بیرسٹر مرتضیٰ وہاب نے این آئی سی وی ڈی میں امراض قلب کے حوالے سے ایک آگاہی واک کی قیادت کی ہے۔
ذرائع کے مطابق مرتضی وہاب نے این آئی سی وی ڈی کے اعلیٰ حکام کے ہمراہ صحت مندانہ سرگرمیوں کے ذریعے دل کے امراض سے بچاؤ کی اہمیت سے متعلق ایک مشترکہ پریس کانفرنس بھی کی۔
اس موقع پر بیرسٹر مرتضیٰ وہاب نے خطاب کرتے ہوئے کہا کہ ہم کوویڈ 19 کے دوران بھی مریضوں کی غیر معمولی دیکھ بھال پر اپنے ہیلتھ کیئر ہیروز کا شکریہ ادا کرنا چاہتے ہیں، ماہرین امراض قلب اور تمام شعبہ جات کے طبی پروفیشنلز نے کورونا وائرس کے خطرات کے باوجود مریضوں کے علاج کو فوقیت دے کر قوم کے دل جیت لیے ہیں۔
ان کا کہنا تھا کہ یہ بلاشبہ بہادری کا شاندار مظاہرہ ہے اور ہماری یہ چھوٹی سی مہم ان ہیروز کو خراج تحسین پیش کرنے کا بہانہ ہے جو کہ امراض قلب کے ملک کے سب سے خطرناک خاموش جان لیوا مرض کے خلاف آگاہی کے لیے خدمات فراہم کر رہے ہیں۔
این آئی سی وی ڈی کے ایگزیکٹیو ڈائریکٹر ڈاکٹر ندیم قمر نے کہا کہ عالمی یوم قلب ہمیں ہر سال اپنے اپنے اہل خانہ اور قوم کے امراض قلب سے محفوظ رکھنے کے حوالے سے ہمارے کردار سے متعلق انفرادی اور اجتماعی ذمے داریوں کی یاد دلاتا ہے۔ ہم میں سے ہر ایک کو صحت مندانہ زندگی اپنانے کے حوالے سے اپنا کردار ادا کرنا ہوگا خواہ وہ کردار کس قدر چھوٹا ہی کیوں نہ ہو مگر یہ اس بڑھتی ہوئی وبائی صورتحال میں انتہائی اہمیت کا حامل ہو گا۔
این آئی سی وی ڈی کے ایگزیکٹیو ڈائریکٹر ڈاکٹر ندیم قمر کا مزید کہنا تھا کہ این آئی سی وی ڈی امراض قلب کے حوالے سے صوبائی اور قومی سطح پر اپنی ذمے داریوں سے بخوبی آگاہ ہے، این آئی سی وی ڈی امراض قلب اور دل کی شریانوں کے علاج کے حوالے سے ایک اسٹیٹ آف دی آرٹ ادارے کا درجہ رکھتا ہے۔
The post کوویڈ 19 کے دوران بھی مریضوں کی غیر معمولی دیکھ بھال پر اپنے ہیلتھ کیئر ہیروز کا شکریہ ادا کرنا چاہتے ہیں، مرتضی وہاب appeared first on .
