بہاءالدین زکریا یونیورسٹی میں ایک بار پھر طلباء تنظیموں میں لڑائی

بہاءالدین زکریا یونیورسٹی میں ایک بار پھر طلباء تنظیموں میں لڑائی ہوئی ہے۔
تفصیلات کے مطابق بہاءالدین زکریا یونیورسٹی میں ایک بار پھر طلباء تنظیموں میں لڑائی ہونے کی وجہ سے دو طلباء زخمی ہو گئے ہیں۔
ذرائع نے کہا کہ دو گروپوں میں تصادم جعفر کینٹین پر ہوا ہے۔
ذرائع کا کہنا ہے کہ واقعے کی ویڈیو منظر عام پر آ گئی ہے۔
ذرائع کا یہ بھی کہنا ہے کہ لڑائی میں پی ایس ایف کے صدر فیصل ڈھلوں بھی زخمی ہوئے ہیں۔
ذرائع کا مزید کہنا ہے کہ یونیورسٹی انتظامیہ نے تاحال لڑائی میں ملوث طلباء کے خلاف کارروائی نہیں کی ہے۔
یاد رہے کہ بہاءالدین زکریا یونیورسٹی میں ایسا واقعہ پہلے بھی پیش آ چکا ہے جہاں 15 اگست کو طلباء کی آپس کی لڑائی میں ایک طالب علم جاں بحق ہو گیا تھا اور 3 طلباء شدید زخمی ہو گئے تھے۔ پولیس تھانہ الپہ نے موقع پر پہنچ کر اس واقعہ کی قانونی کارروائی شروع کر دی تھی۔

The post بہاءالدین زکریا یونیورسٹی میں ایک بار پھر طلباء تنظیموں میں لڑائی appeared first on .