وزیر خارجہ پانچ روزہ دورہ کامیابی سے مکمل کر کے امریکا سے روانہ

وزیر خارجہ مخدوم شاہ محمود قریشی پانچ روزہ دورہ کامیابی سے مکمل کر کے امریکہ سے روانہ ہوگئے ہیں۔

تفصیلات کے مطابق جان ایف کینیڈی بین الاقوامی ہوائی اڈے پر اقوام متحدہ میں پاکستان کے مستقل مندوب منیر اکرم ، امریکہ میں پاکستان کے سفیر اسد مجید خان اور قونصل خانے کے افسران نے وزیر خارجہ کو الوداع کیا۔

ذرائع کے مطابق وزیر خارجہ نے نیویارک میں پانچ روزہ قیام کے دوران ، امریکی ہم منصب انٹونی بلنکن سمیت متعدد وزرائے خارجہ سے ملاقاتیں کیں۔

ان ملاقاتوں میں دو طرفہ تعلقات، کثیرالجہتی شعبہ جات میں دو طرفہ تعاون کے فروغ اور افغانستان کی ابھرتی ہوئی صورتحال سمیت اہم علاقائی و عالمی امور پر تبادلہ خیال کیا گیا

وزیر خارجہ شاہ محمود قریشی نے سیکرٹری جنرل اقوام متحدہ انتونیو گوئترس اور صدر جنرل اسمبلی سے بھی ملاقاتیں کیں۔

Great to meet @antonioguterres at #UNGA & to share
Pakistan’s key priorities: equitable socio-economic development, stabilisation of Afghanistan & just resolution of Jammu & Kashmir dispute. We look to @UN to play central role in addressing & overcoming these challenges
pic.twitter.com/cgJkLrM9hj

— Shah Mahmood Qureshi (@SMQureshiPTI) September 24, 2021

وزیر خارجہ یورپی یونین کے خارجہ تعلقات اور سلامتی کے سربراہ جوزف بوریل سے ملے اور پاک – ای یو اسٹریٹیجک شراکت داری سمیت اہم امور پر بات چیت کی۔

وزیر خارجہ شاہ محمود قریشی اقوام متحدہ جنرل اسمبلی کے 76 ویں اجلاس کے موقع پر او آئی سی رابطہ گروپ برائے کشمیر کے اجلاس میں شریک ہوئے اور مقبوضہ کشمیر میں جاری انسانی حقوق کی سنگین خلاف ورزیوں کی جانب توجہ مبذول کرائی۔

وزیر خارجہ شاہ محمود قریشی نے نیویارک میں پاکستانی امریکن کمیونٹی سے ملاقات کی اور ان کی خدمات کو سراہا۔

وزیر خارجہ نے نیویارک میں مقامی و بین الاقوامی میڈیا نمائندگان سے گفتگو کی اور انہیں اہم علاقائی و عالمی امور پر پاکستان کے موقف سے آگاہ کیا۔

Pleased to meet Japanese FM @moteging on sidelines of #UNGA. Pakistan has through history looked to Japan as a country in Asia who’s economic success and model is one to emulate. We look forward to strengthening our bonds across all areas of bilateral cooperation. pic.twitter.com/LISEsc4eJN

— Shah Mahmood Qureshi (@SMQureshiPTI) September 24, 2021

واضح رہےکہ وزیر خارجہ شاہ محمود قریشی 20 ستمبر کو اقوام متحدہ جنرل اسمبلی کے 76 ویں اجلاس میں شرکت کیلئے نیویارک پہنچےتھے۔

وزیر خارجہ شاہ محمود قریشی نے اقوام متحدہ جنرل اسمبلی کے 76 ویں اجلاس کی افتتاحی تقریب میں شرکت کی ۔

وزیر خارجہ نے کونسل آن فارن ریلیشنز میں بطور مہمان خصوصی شرکت کی اور پاک امریکہ تعلقات، افغانستان کی صورتحال سمیت مختلف علاقائی و عالمی امور پر پاکستان کا نقطہ نظر پیش کیا۔

وزیر خارجہ نے بین الاقوامی میڈیا نمائندگان سے گفتگو کی اور مختلف امور پر پاکستان کا موقف پیش کیا۔

Today I spoke at @CFR_org outlining vision for future of a Pakistan-U.S. relationship that is broad-based & multidimensional, anchored in economic exchange and people to people contacts. Highlighted Pakistan’s efforts for regional stability and our perspective on #Afghanistan. pic.twitter.com/L6hRI5zfxk

— Shah Mahmood Qureshi (@SMQureshiPTI) September 21, 2021

وزیر خارجہ نے امریکی وزیر خارجہ انٹونی جے بلنکن سے بھی ملاقات کی۔ اس ملاقات میں دو طرفہ تعلقات، افغانستان کی صورتحال اور باہمی دلچسپی کے امور زیر غور آئے۔

امریکی وزیر خارجہ نے انخلاء کے عمل میں پاکستان کے کردار کو سراہا۔

وزیر خارجہ، یورپی یونین کے خارجہ تعلقات اور سلامتی کے سربراہ بوریل جوزف سے ملے اور دو طرفہ تعلقات، سٹرٹیجک شراکت داری سمیت اہم امور پر تبادلہ خیال کیا۔

The post وزیر خارجہ پانچ روزہ دورہ کامیابی سے مکمل کر کے امریکا سے روانہ appeared first on .