معروف اینکر نادیہ خان کے ساتھ افسوسناک حادثہ

معروف اینکر نادیہ خان آئی ٹی ماہر کے ہاتھوں لٹ گئیں۔

تفصیلات کے مطابق سائبر کرائم کا شکار بننے والی نادیہ خان نے ایف آئی اے میں شکایت درج کروائی تھی کہ ان کا یو ٹیوب چینل ہیک ہوگیا جس کی بحالی کے لئے ایک آئی ٹی اسپیشلسٹ کو بلایا گیا تھا تاہم اس نے ہیکنگ بحال کرتے کرتے نادیہ خان کو چونا لگا دیا۔

ایڈیشنل ڈائریکٹر سائبر کرائم عمران ریاض نے بتایا کہ نادیہ خان کا گزشتہ سال ستمبر میں یوٹیوب چینل ہیک ہو گیا تھا جسے ریکور کرنے کے لئے انہوں نے ایک آئی ٹی ماہر کی خدمات حاصل کیں تھیں۔

ملزم حماد سمیع نے چینل  بحال تو کر دیا مگر ہوشیاری سے یوٹیوب  کی سیٹنگ بدل دی اور بینک اکاوئنٹ سمیت تمام معلومات تبدیل کردیں اور کمائی اپنے بینک اکاونٹ میں منتقل کرنے لگا۔

عمران ریاض کے مطابق یوٹیوب چینل بحال کرنے والے ملزم حماد سمیع کو گرفتار کر کے اس کے خلاف مقدمہ درج کر لیا گیا ہے ۔

The post معروف اینکر نادیہ خان کے ساتھ افسوسناک حادثہ appeared first on .