دنیا بھر میں کورونا کے پھیلاؤ کو روکنے کے لیے ڈبلیو ایچ او کے اقدامات

دنیا بھرمیں کورونا کے پھیلاؤ کو روکنے کے لیئے ڈبلیو ایچ او کے اقدامات جاری ہیں۔

تفصیلات کے مطابق پاکستان میں ویکسین اور ماسک لگانے سے متعلق آگاہی مہم کا آغاز کردیا گیا ہے، راولپنڈی ریلوے اسٹیشن پر ڈبلیو ایچ او کے کنٹری ہیڈ کا عملے اور ریلوے حکام کے ہمراہ آگاہی مہم کا آغاز کیا گیا ہے۔

مہم کے دوران پلیٹ فارم پر موجود  اور ٹرین میں سوار مسافروں میں پمفلٹ اور دو اقسام کے ماسک تقسیم کیے گئے اور ڈویژنل سپریٹنڈنٹ ریلوے انعام اللہ اور دی سی او عثمان انور نے عالمی ادارہ صحت کی ٹیم کو بریفنگ بھی دی۔

عالمی ادارہ صحت کے پاکستان میں کنٹری ہیڈ مسٹر پلیٹا کی جانب سے ریلوے حکام کو چھ لاکھ ماسک کی فراہمی کی گئی ہے،  اور ریلوے حکام کا ورلڈ ہیلتھ آرگنائزیشن ٹیم اور کنٹری ہیڈ  کی خدمات پر شکریہ کا اظہار بھی کیا گیا ہے۔

واضح رہے کہ ورلڈ ہیلتھ آرگنائزیشن ٹیم کی جانب سے ریلوے اسٹیشن کے مختلف اسٹالز اور ویکسینیشن کیمپ کا جائزہ بھی لیا گیا ہے۔

The post دنیا بھر میں کورونا کے پھیلاؤ کو روکنے کے لیے ڈبلیو ایچ او کے اقدامات appeared first on .