کرسچیانو رونالڈو  کی ماہانہ کمائی کتنی ہے؟

پرتگال کے سپر اسٹار  فٹ بالررونالڈو نے فٹبال سے کمائی میں دنیا کے تمام فٹبالرز کو پیچھے چھوڑ دیا ہے، انکے روایتی حریف لیونل میسی دوسرے اور برازیل کے نیمار تیسرے نمبر پر ہیں ۔

تفصیلات کے مطابق مانچسٹر یونائیٹڈ کے اسٹرائیکر رونالڈو کو امسال 91 ملین برطانوی پاؤنڈز یعنی 20 ارب روپے سالانہ آمدنی ہوگی۔

اسٹار  فٹ بالر ماہانہ ایک ارب 66 کروڑ روپے سے زائد کمائیں گے۔

بارسلونا چھوڑ کر پی ایس جی جانے والے لیونل میسی کو اس سال 8 کروڑ پاؤنڈ زیعنی 18 ارب روپے ملیں گے۔

ان کی ماہانہ آمدن ڈیڑھ ارب روپے ہو گی۔

نیمار اور ایمباپے کا نمبر تیسرا اور چوتھا ہے ، نیمار کی سالانہ آمدن 12 ارب روپے کے قریب ہوگی۔

فٹبال کلب لیورپول کی طرف سے گولز کی سنچری مکمل کرنے والے محمد صلاح کو 7 ارب روپے سے تھوڑی کم سالانہ آمدن ہو گی۔

The post کرسچیانو رونالڈو  کی ماہانہ کمائی کتنی ہے؟ appeared first on .