Zeal News Pakistan First Complete Media Group
ماڈل کے بال غلط کاٹنے اور انہیں چھوٹے کرنے پر سیلون کو 2 کروڑ کا جرمانہ کردیا ہے۔
غیر ملکی خبر رساں ادارے کے مطابق 2018 میں کنزیومر کورٹ میں ماڈل کی جانب سے ایک سیلون کے خلاف غلط اور چھوٹے بال کاٹنے کی شکایات درج کرائی گئی تھی۔
شکایات میں خاتون ماڈل نے کہا تھا کہ میں 2004 سے اس سیلون میں جارہی ہوں، اس بار جب سیلون گئی تو انہوں نے ایسے ہئیر ڈریسر سے بال کٹوانے کے لیے کہا جس سے میں مطمئن نہیں تھی۔
تاہم میرے منع کرنے پر بھی سیلون نے کہا کہ اس ہئیر ڈریسر کا کام پہلے سے اچھا ہے لہذا آپ بال ان سے کٹوالیں۔
ماڈل نے درخواست میں کہا کہ ہئیر ڈریسر تقریباً ایک گھنٹے سے زیادہ میرے بالوں کی کٹنگ کرتا رہا جس پر میں نے پوچھا کہ اتنا وقت کیوں لگ رہا ہے تو ہئیر ڈریسر نے کہا کہ میں آپ کا ’لندن ہئیرکٹ ‘ کررہاہوں۔
تاہم جب میں نے اپنے بال دیکھے تو وہ بالکل ٹھیک نہیں تھے۔
بعد ازاں میں نے سیلون سے شکایات کی جس پر انہوں نے ٹریٹمنٹ کے نام پر میرے بال مزید خراب کردیے۔
اب چھوٹے بالوں کی وجہ سے میں نے خوداعتمادی کھودی ہے اور مالی مسائل کا بھی سامنا ہے۔
کنزیومر کورٹ نے خاتون ماڈل کی درخواست پر کارروائی شروع کی جس کا فیصلہ گزشتہ دنوں سنایا گیا۔
عدالت نے سیلون پر 2 کروڑ کا جرمانہ عائد کرتے ہوئے کہا کہ سیلون کی غلطی سے خاتون ماڈل کو مالی مسائل کا سامنا کرنا پڑا، انہیں اشتہار ملنا بند ہوگئے تاہم جن کمپنیز نے بالوں کے اشتہار میں کام کے کنٹریکٹ کیے تھے وہ بھی ختم کردیے۔
The post ماڈل کے بال چھوٹے کاٹنے پر سیلون کو 2 کروڑ کا جرمانہ appeared first on .
