اداکار ٹیپو، مادھوری ڈکشٹ کیساتھ فلم کیوں نہیں کر سکے؟

پاکستان کے معروف اداکار عدنان شاہ ٹیپو نے اہم انکشاف کیا ہے۔

تفصیلات کے مطابق اداکار عدنان شاہ ٹیپو نے بتایا کہ اُنہیں  بھارتی اداکارہ مادھوری ڈکشٹ کے ساتھ فلم آفر ہوئی تھی مگر ویزا نہ ملنے کے سبب وہ بھارت نہیں جا سکے تھے۔

عدنان شاہ ٹیپو کی جانب سے حال ہی میں ایک ویب شو کو انٹرویو دیا گیا تھا۔

دورانِ انٹرویو انہوں نے اپنے کیریئر کے اتار چڑھاؤ، تجربات اور پروجیکٹس سے متعلق باتیں کیں۔

اداکار نے بتایا کہ اُنہیں  بھارتی اداکارہ مادھوری ڈکشٹ کے ساتھ ایک فلم آفر ہوئی تھی، اُنہوں نے اس فلم کے لیے 9 آڈیشنز بھی دے دیئے تھے۔

عدنان شاہ ٹیپو نے مزید بتایا کہ جب انہیں مدھوری کے ساتھ فلم آفر ہوئی تھی اُس زمانے میں کسی کو بھی بھارت کا ویزا نہیں مل رہا تھا۔

اداکار نے بتایا  کہ اُس دور میں بھارت اور پاکستان میں کافی نتازعات چل رہے تھے لہٰذا وہ بھی فلم کی شوٹنگ کے لیے بھارت نہیں جا سکے تھے۔

عدنان شاہ ٹیپو نے کہا کہ بس پھر انہوں نے صبر کر لیا، جو چیز نہ ملے اُس میں بھی اللّٰہ کی بہتری ہوتی ہے، پیچھے مڑ کر نہیں دیکھنا چاہیے، جو مل جائے اُس کا بھی شکر جو نہ ملے اُس کے لیے بھی شکر ادا کرنا چاہیے۔

The post اداکار ٹیپو، مادھوری ڈکشٹ کیساتھ فلم کیوں نہیں کر سکے؟ appeared first on .