پی آئی اے کا اہم اقدام

پی آئی اے نے کاک پٹ کریو کا بین الاقوامی جنرل ڈکلئیریشن ٹریول ختم کر دیا، فیصلہ پی آئی اے خزانے پر بوجھ کم کرنے کے لیے کیا گیا۔

تفصیلات کے مطابق قومی ایئرلائن (پی آئی اے) نے کاک پٹ کریو کا بین الاقوامی جنرل ڈکلئیریشن(جی ڈی) ٹریول ختم کردیا، چیف ایچ آر ڈپارٹمنٹ عامر الطاف نے بین الاقوامی جنرل ڈکلئیریشن ٹریول کے خاتمے سے متعلق نوٹیفیکشن بھی جاری کردیا ہے۔

نوٹیفیکشن کے مطابق قومی ایئرلائن عملے کو اب صرف ڈومیسٹک فلائٹ پر جی ڈی ٹریول کی سہولت میسر ہوگی۔

نوٹیفیکشن  میں کہا گیا ہے کہ ڈومیسٹک فلائٹس عملہ ماہانہ 10بار سہولت سے استفادہ حاصل کرسکے گا۔ عملہ ماہانہ جنرل ڈکلیریشن رپورٹ سی ای او اور جنرل آپریشن منیجر کو جمع کرانا ہوگا۔

 اس موقع پر ترجمان پی آئی اے کا کہنا ہے کہ ڈومیسٹک فلائٹس میں جنرل ڈکلئیریشن کی سہولیات میں ردوبدل نہیں کیا گیا، غیرضروری اخراجات کم کرنے کے لیے جی ڈی کو ختم کیا گیا ہے۔

The post پی آئی اے کا اہم اقدام appeared first on .