سری لنکن فاسٹ باؤلر لاستھ ملنگا کاانٹرنیشنل کرکٹ سے ریٹائرمنٹ کا اعلان

سری لنکا کرکٹ ٹیم کے فاسٹ باؤلر اور سابق کپتان لاستھ  ملنگا نےتمام طرز کی  کرکٹ سے ریٹائرمنٹ کا اعلان کر دیا ہے۔

تفصیلات کے  مطابق  سری لنکن  فاسٹ باؤلر اور ٹی ٹوئنٹی اسپیشلسٹ لاستھ ملنگا نے سماجی رابطے کی ویبسائٹ ٹویٹر پر اپنے جاری  بیان میں کہا کہ میں ہر طرح کی کرکٹ سے ریٹائرمنٹ کا اعلان کرتا ہوں۔

لاستھ ملنگا کا کہنا تھا کہ میں ان تمام لوگوں کا شکریہ ادا کرتا ہوں جنہوں نے میرے سفر میں میرا ساتھ دیا ۔

سری لنکن فاسٹ باؤلر  لاستھ ملنگا کا مزید کہنا تھا کہ میں آنے والے برسوں میں نوجوان کرکٹرز سے اپنا تجربہ شیئر کرنے کے لئے منتظر ہوں۔

سری لنکن فاسٹ باؤلر لاستھ ملنگا نے اپنے ٹیسٹ کیرئیر میں 30 میچز میں 101 وکٹز حاصل کیں،ون ڈے انٹرنیشنل کیرئیر میں 226 میچز میں 338 وکٹز حاصل کی ہیں جبکہ ٹی ٹوئنٹی کیرئیر میں 84 میچز میں 107 وکٹز اپنے نام کی ہیں ۔

لاستھ ملنگا کی ٹیسٹ کیرئیر میں بیسٹ باؤلنگ فگر 210 رنز کے عوض 9 وکٹز، ون ڈے کیرئیر میں 38 رنز کے عوض 6 وکٹزجبکہ ٹی ٹوئنٹی کیرئیر میں 6 رنز کے عوض 5 وکٹز ہے۔

واضح رہے کہ لاستھ ملنگا لیگ میچز میں بھی بہترین کاکردگی دکھا چکے ہیں۔

اس سے قبل ساؤتھ افریقن فاسٹ باؤلر ڈیل اسٹین بھی ریٹائرمنٹ کا اعلان کر چکے ہیں۔

The post سری لنکن فاسٹ باؤلر لاستھ ملنگا کاانٹرنیشنل کرکٹ سے ریٹائرمنٹ کا اعلان appeared first on .