عمر شریف کو صرف امریکا کے ویزے کی ضرورت ہے، فیصل قریشی

پاکستان شوبز انڈسٹری کے معروف میزبان اور اداکار فیصل قریشی نے عمر شریف کے حوالے سے واضح کیا ہے کہ انہیں اس وقت صرف امریکا کے ویزے کی ضرورت ہے۔

سوشل میڈیا سائٹ ٹوئٹر پر ایک صارف نے فیصل قریشی کو ٹیگ کرتے ہوئے عمر شریف کی ناساز طبیعت پر تبصرہ کرتے ہوئے کہا کہ اس وقت سارے اداکار کہاں ہیں۔

Bhai mashallah mashallah umer bhai woh insan hain jin ka hath hamesha oper raha hey aur Allah ney hamesha unkiniss cheez mey bhi madad ki hey … he just need us visa for treatment nothing else https://t.co/NkuNoezyGM

— Faysal Quraishi (@faysalquraishi) September 12, 2021

صارف نے کہا کہ اگر فنکار برادری سے ہر اداکار ایک ایک لاکھ روپے بھی دیں تو کام بن جائے۔

جس کے جواب میں اداکار فیصل قریشی نے کہا کہ بھائی ماشاءاللّٰہ سے عمر بھائی وہ انسان ہیں جن کا ہاتھ ہمیشہ اوپر رہا ہے اور اللّٰہ نے ہمیشہ ان کی اس چیز میں مدد بھی کی ہے۔

Sub actre kaha pa hain aik aik lakh b day to bat kaha tak chali Jay ge @faysalquraishi

— Farhaan Khan (@realfarhanz) September 12, 2021

اداکار فیصل قریشی نے واضح کیا کہ اس وقت عمر شریف کو اپنے علاج کے لیے صرف امریکا کا ویزہ چاہیے اور کسی بھی چیز کی ضرورت نہیں ہے۔

یاد رہے کہ کامیڈین عمر شریف کی حالت بدستور خراب ہے۔

 ڈاکٹروں کے مطابق عمر شریف کے دل کا مرض بہت زیادہ بگڑ گیا ہے۔

عمر شریف کی طبیعت کے حوالے سے کامیڈین کے بیٹے جواد کا کہنا ہے کہ والد کا علاج جاری ہے ، طبیعت میں بہتری نہیں آرہی۔

ان کے بیٹے نے مزید بتایا کہ امریکا نہ بھیجا گیا تو اوپن ہارٹ سرجری کی طرف جانا ہوگا۔

جواد نے بتایا کہ والد صاحب چند منٹ ہوش میں آنے پر بھی کسی کو نہیں پہچان رہے۔

The post عمر شریف کو صرف امریکا کے ویزے کی ضرورت ہے، فیصل قریشی appeared first on .