ملتان: حضرت بہاؤالدین زکریا کے عرس مبارک کی تقریبات کا آج سے آغاز

ملتان میں برصغیر پاک وہند کے عظیم صوفی بزرگ حضرت بہاؤالدین زکریا ملتانی کے 782ویں 3 روزہ عرس مبارک کی تقریبات کا آغاز آج سے ہوگا۔

تفصیلات کے مطابق وزیر خارجہ و گدی نشین درگاہ عالیہ شاہ محمود قریشی مزار کو غسل اور پھولوں کی چادر چڑھا کر تقریبات کا آغاز کرینگے۔

ذرائع کا کہنا ہے کہ کورونا کی چوتھی لہر کے پیش نظر عرس مبارک کی تقریبات مختصر ہونگی اور قومی زکریا کانفرنس بھی منعقد نہیں ہوگی۔

وزیرخارجہ شاہ محمود قریشی نے اندرون و بیرون ملک مریدین کو گھروں میں رہنے کی تلقین کرتے ہوئے کہا ہے کہ تمام مریدن، زائرین اور عقیدت مند گھروں میں رہتے ہوئے ختم پاک کا اہتمام کریں۔

یاد رہے کہ حضرت بہاؤ الدین زکریا سہروردی ملتانی رحمتہ اللہ علیہ کی ولادت با سعادت 566 ہجری ملتان میں ہوئی، آپ کے والد ماجد کا اسم گرامی حضرت مولانا وجیہہ الدین محمد قریشی تھا،  آپ کےجد اعلی حضرت کمال الدین علی شاہ قبیلہ قریش سےتعلق رکھتےتھے، آپ کے جدامجد مکہ معظمہ سے پہلے خوارزم آئے ، پھر ملتان میں مستقل سکونت اختیار کی۔

حضرت خواجہ بہاؤالدین زکريا ملتانی رحمتہ اللہ علیہہ سلسلہ سہروردیہ کی عظیم کڑی ہیں، حضرت کی ذات ستودہ صفات گونا گوں خوبیوں کی حامل ہے، آپ 666 ہجری میں اس دار فانی سے رخصت ہوئے۔

The post ملتان: حضرت بہاؤالدین زکریا کے عرس مبارک کی تقریبات کا آج سے آغاز appeared first on .