خود کو خوش قسمت سمجھتا ہوں کہ پاکستان کے لیے کھیلنے کا موقع ملا ہے، محمد وسیم جونیئر

آل راؤنڈ صلاحیتوں کے مالک کرکٹر محمد وسیم جونیئر کا کہنا ہے کہ میں خوش ہوں اور خود کو خوش قسمت سمجھتا ہوں کہ پاکستان کے لیے کھیلنے کا موقع ملا ہے۔

تفصیلات کے مطابق اسلام آباد میں محمد وسیم جونیئر اور محمد حارث نے ورچوئل پریس کانفرنس کرتے ہوئے بتایا ہے کہ اکانومی ٹی ٹوئنٹی کرکٹ میں بڑھ جاتا ہے لیکن کوشش کروں گا کہ مزید بہتر بولنگ کروں۔

 محمد وسیم جونیئر کا کہنا تھا کہ عبد الرزاق نے بہت کچھ سیکھایا مجھے جبکہ بطور آل راؤنڈر میں بین اسٹوکس کو فالو کرتا ہوں۔

ان کا کہنا تھا کہ پاکستان کے لیے ٹی ٹوئنٹی ورلڈ کپ میں اپنی پوری جان ماروں گا، میں نے نارتھ وزیرستان میں ٹیپ بال کرکٹ سے آغاز کیا اور پھر پشاور میں ہارڈ بال کرکٹ کھیلی تھی۔

ان کا مزید کہنا تھا کہ عبدالرزاق کے ساتھ بطور آل راؤنڈر کام کرنے سے بہت سیکھنے کو مل رہا ہے۔

دوسری جانب محمد حارث کا کہنا تھا کہ محمد رضوان کے ساتھ نیٹ پریکٹس  کرتا ہوں، ٹیم کا ماحول بہت اچھا ہے اور سب سینیئرز سے سیکھنے کا موقع مل رہا ہے۔

انہوں نے بتایا کہ کوشش ہے کہ نہ صرف ٹیم میں آ ؤں بلکہ اپنی جگہ بھی پرفارمینس سے پکی کروں۔

ان کا یہ بھی کہنا تھا کہ میرے علاقے میں اتنی سہولیات نہیں تھیں جس کے باعث پشاور جانا پڑا اور وہاں کرکٹ کا آغاز کیا۔

The post خود کو خوش قسمت سمجھتا ہوں کہ پاکستان کے لیے کھیلنے کا موقع ملا ہے، محمد وسیم جونیئر appeared first on .