Zeal News Pakistan First Complete Media Group
پاکستان کے مشہور ہدایتکار اور اداکار یاسر نواز نے اپنی اہلیہ ندا یاسر کی وائرل ہونے والی ویڈیو کی پیروڈی کرتے ہوئے ویڈیو بنادی ہے۔
حال ہی میں یاسر نواز کی ایک ویڈیو سامنے آئی ہے جس میں انہوں نے اپنی اہلیہ اور مارننگ شو ہوسٹ ندا یاسر کی فارمولا ریسنگ کار والی ویڈیو کی پیروڈی کی ہے۔
اس ویڈیو میں دیکھا جاسکتا ہے کہ یاسر نواز سر پر ڈوپٹہ اوڑھے ہوئے خود کو ندا یاسر تسلیم کر رہے ہیں۔
View this post on Instagram
یاسر نواز نے گزشتہ روز اپنے سوشل میڈیا اکاؤنٹ پر ایک ویڈیو شیئر کی جس میں وہ سر پر ڈوپٹہ اوڑھے ندا کے اسی وائرل کلپ کی نقل کرتے ہوئے نظر آرہے ہیں۔
یاسر نواز نے اس ویڈیو کے کیپشن کے ساتھ کچھ لکھا تو نہیں صرف ہنسنے والے ایموجی لگائے۔
خیال رہے کہ ان سے قبل کامیڈین و ریپر علی گل پیر نے بھی اسی وائرل ویڈیو کی پیروڈی بنائی تھی۔
View this post on Instagram
علی گُل پیر نے فوٹو اینڈ ویڈیو شیئرنگ ایپ انسٹاگرام پر ندا یاسر کی سوشل میڈیا پر وائرل ہونے والی ایک ویڈیو کلپ پر دلچسپ پیروڈی بنا کر شیئر کی ہے۔
انہوں نے یہ ویڈیو شیئر کرتے ہوئے اپنی پوسٹ کو کیپشن دیا مارننگ شو میزبان بمقابلہ انجینئرز۔
علی گُل پیر کی اس دلچسپ پیروڈی کو اداکارہ ماہرہ خان سمیت کئی معروف شوبز اداکاروں اور سوشل میڈیا صارفین کی جانب سے بہت پسند کیا جارہا ہے اور اب تک اسے 42 ہزار سے زائد لوگ لائیک کرچکے ہیں۔
The post یاسر نواز نے بھی اپنی بیگم کا مذاق بنا ڈالا appeared first on .
