گوجرانوالہ: پنجاب فوڈ اتھارٹی کی بڑی کارروائی

    پنجاب فوڈ اتھارٹی کی جانب سے گوجرانولہ میں بڑی کارروائی کی گئی ہے۔

تفصیلات کے مطابق گوجرانوالہ کے داخلی راستوں پر ناکہ بندی کر کے   25,532 لیٹرمضر صحت دودھ تلف کردیا گیا ہے جبکہ  308 دودھ بردار گاڑیوں میں موجود 74 ہزار 532 لیڑدودھ کی چیکنگ بھی کی گئی ہے۔

ڈی جی فوڈ اتھارٹی کا کہنا ہے کہ  چیکنگ کے دوران ٹیسٹ فیل ہونے پر 25 ہزار 532 لیٹر دودھ تلف کر دیا گیا ہے، ضائع کیے گئے دودھ کی ایل آر انتہائی کم تھی جبکہ  اس میں یوریا اور پانی کی ملاوٹ بھی پائی گئی تھی۔

 ڈی جی فوڈ اتھارٹی کا مزید کہنا تھا کہ ملاوٹی دودھ کا گاڑھا پن بڑھانے کے لیے مضر صحت پاؤڈر کا استعمال بھی کیا گیا تھا۔

ان کا کہنا تھا کہ وزیر اعلی پنجاب کی ہدایت کے مطابق ملاوٹ مافیا کے خلاف خصوصی آپریشن جاری ہیں،  دودھ میں ملاوٹ کے خاتمے کے لیے موبائل ٹیسٹنگ لیبز کی تعداد میں بھی اضافہ کر رہے ہیں۔

واضح رہے ک ایڈیشنل ڈائریکٹر آپریشنز عدیل اسلم نے 10 گھنٹے طویل آپریشن کی نگرانی کی ہے۔

The post گوجرانوالہ: پنجاب فوڈ اتھارٹی کی بڑی کارروائی appeared first on .