کراچی میں تیز بارشوں کا سلسلہ کب تک جاری رہےگا؟محکمہ مو سمیات نے بتا دیا

کراچی میں تیز بارشوں کا سلسلہ کب تک جاری رہےگا؟ محکمہ مو سمیات نے اس حوالے سے تفصیلات جا ری کردی ہیں۔

محکمہ موسمیات کا کہنا ہے خلیج بنگال سے ہوا کا کم دباؤ سندھ میں داخل ہو گیا ہے، جس کے باعث اندرون سندھ سمیت کراچی میں بھی بارشوں کا آغا زہو گیا ہے۔

چیف میٹرولوجسٹ سردارسرفراز کا اس حوالے سے کہنا ہے کہ آج بھی شہرِ قائد میں بارش کا امکان ہے، دوپہر سے شہر میں بارش کا سلسلہ شروع ہوگا جبکہ اس دوران گرج چمک اور آندھی چلنے کا بھی امکان ہے۔۔

چیف میٹرولوجسٹ سردارسرفراز کے مطابق بارش کا سلسلہ 11 ستمبر تک جاری رہے گا، شہر میں موسلادھار بارش کا امکان ہے۔

گزشتہ روز کراچی میں  تیز بارش

شہر قائد میں رات بھر تیز ہواؤں کے ساتھ موسلادھار بارش ہوئی ، جس کے بعد یونیورسٹی روڈ، نیپاچورنگی، سفاری پارک، شاہراہ فیصل اور گورا قبرستان کے قریب پانی کھڑا ہوگیاہے۔

 ذرائع کے مطابق سرجانی ٹاؤن، جوہر چورنگی، لیاقت آباد، نیوٹاؤن میں بھی یہی صورتحال ہے۔

محکمہ موسمیات نے  بارش کا سلسلہ آج دن بھر اور کل بھی جاری رہنے کی پیش گوئی کر دی ہے۔

بیشتر علاقوں میں بجلی بند

گزشتہ رات شہر کراچی  میں ہو نے والی بارش کے باعث بیشتر علاقوں  میں بجلی کی آنکھ مچولی جاری ہے، جس کے باعث شہریوں کو شدید مشکلات کا سامنا کر نا پڑ رہا ہے۔

The post کراچی میں تیز بارشوں کا سلسلہ کب تک جاری رہےگا؟محکمہ مو سمیات نے بتا دیا appeared first on .