سدھارتھ شکلا کی وہ خواہشات جو پوری نا ہوسکیں

گزشتہ ہفتے 40 برس کی عمر میں اچانک موت کے منہ میں جانے والے سدھارتھ شکلا نے اپنے پیچھے پوری بالی وڈ انڈسٹری کو غمگین کردیا ہے۔

سدھارتھ شکلا کی موت کی خبر نے  بالی وڈ انڈسٹری کی ہر آنکھ کو نم کیا ہے اور گہرا صدمہ بھی پہنچایا ہے۔

میڈیا رپورٹس کے مطابق سدھارتھ شکلا کے حوالے سے ان کے اہل خانہ نے اداکار کی ان خواہشات کا اظہار کیا ہے جن کو سدھارتھ شکلا اپنی زندگی میں پورا کرنا چاہتے تھے۔

رپورٹس میں بتایا گیا ہے کہ بگ سیزن 13 کے فاتح سدھارتھ شکلا شو کے سیزن 14 میں بطور ’ طوفانی سینیئر‘ 2 ہفتے کے لیے شریک ہوئے تھے، بعد ازاں حنا خان اور گوہر خان  سے گہری دوستی کے دوران انھوں نے دونوں سے اپنی ذاتی باتیں بھی شیئر کی تھیں۔

میڈیا رپورٹس میں بتایا گیا ہے کہ سدھارتھ شکلا نے ایک بار اداکارہ گوہر خان اور حنا خان سے اپنے باپ بننے کی خواہش کا ذکر کیا تھا، ساتھ ہی سدھارتھ نے اپنی بچپن کی یادوں کا بھی تذکرہ کیا تھا۔

سدھارتھ نے انہیں کہا تھا کہ میں باپ بننا چاہتا ہوں اور مجھے پتا ہے کہ میں ایک بہت اچھا والد بنوں گا۔

سدھارتھ نے انھیں یہ بھی بتایاتھاکہ اداکار کا اپنے والد سے بڑا گہرا تعلق تھا لیکن ان کے ماڈلنگ کرنے کے دوران ان کا انتقال ہوگیا۔

The post سدھارتھ شکلا کی وہ خواہشات جو پوری نا ہوسکیں appeared first on .