منی ہائیسٹ کے ’’پروفیسر‘‘کے پاکستانی ہمشکل کی سوشل میڈیا پر دھوم

سسپنس سے بھرپور ویب سیریز منی ہائیسٹ کے مداح دنیا بھر میں موجود ہیں۔

منی ہائیسٹ کو نیٹ فلکس پر بنا انگریزی سب ٹائٹل کے سب سے زیادہ دیکھی جانے والی ویب سیریز کا اعزاز بھی حاصل ہے۔

منی ہائیسٹ‘‘ کا مرکزی کردار ’’پروفیسر‘‘ بھی لوگوں میں بے حد پسند کیا جاتا ہے اور اب پروفیسر کے پاکستانی ہم شکل کی تصویر سوشل میڈیا پر وائرل ہورہی ہے۔

La casa do pattay disprin.#MoneyHeist pic.twitter.com/zg3nFAe2Uq

— ᴍᴀʟᴀɪᴋᴀ (@MuGhalZaadi_Hun) September 5, 2021

منی ہائیسٹ‘‘ کے ایک مداح نے ایک نامعلوم شخص کی تصویر شیئر کی ہے جو حیرت انگیز طور پر دکھنے میں بالکل ’’پروفیسر‘‘ کی طرح نظر آتا ہے۔

یہ تصویر ایک جنرل اسٹور سے لی گئی ہے جہاں یہ شخص غالباً دوکاندار ہے۔

پروفیسر کا کردار ہسپانوی اداکار الوارو مورتے نے ادا کیا ہے۔

 چند روز قبل اس سیریز کا پانچواں سیزن منظرعام پر آیا ہے اور اس میں ’’پروفیسر‘‘ کو اپنے پاکستانی  ہیکرز کی ٹیم کے ساتھ رابطہ کرتے ہوئے دکھایا گیا ہے۔

 اب صارفین کو ‘منی ہائیسٹ’ کے پارٹ فائیو کے دوسرے اور فیصلہ کُن حصے کا بے صبری سے انتظار ہے، جو رواں سال دسمبر میں ریلیز کیا جائے گا۔

کیا آخری سیزن کے پہلے حصے میں زخمی ہونے والے کردار مکمل صحت یاب ہو کر ٹیم کی مدد کریں گے؟

کیا ایلیسیا سیئیرا پروفیسر کو دوبارہ بندوق کی نوک پر رکھ لے گی؟ اور کیا پروفیسر اور ان کا گروہ بینک آف اسپین سے سونا نکال پائے گا؟

یہ سب وہ سوال ہیں جن کا جواب جاننے کے لیے صارفین کو چند ماہ مزید انتظار کرنا ہو گا۔

The post منی ہائیسٹ کے ’’پروفیسر‘‘کے پاکستانی ہمشکل کی سوشل میڈیا پر دھوم appeared first on .