افغانستان سمیت پورے خطے میں پاکستان کا کردار ہر لحاظ سے مثالی ہے، گورنر پنجاب

گورنر پنجاب چوہدری محمد سرور کا کہنا ہے افغانستان سمیت پورے خطے میں پاکستان کا کردار ہر لحاظ سے مثالی ہے۔

تفصیلات کے مطابق گورنر پنجاب چوہدری محمد سرور سے چیئرمین سینٹ صادق سنجرانی اور اپوزیشن سینیٹرز کی ملاقات ہوئی ہے۔

چیئرمین سینٹ صادق سنجرانی، سینیٹر مشاہد حسین سید اور سینیٹرغفورحیدری گورنر پنجاب چوہدری محمد سرور سے ملے ہیں۔

ملاقات میں گورنر پنجاب چوہدری محمد سرور نے اپوزیشن جماعتوں کو انتخابی اصلاحات پر حکومت کے ساتھ بیٹھنے کا مشورہ دیا ہے۔

گورنر پنجاب چوہدری محمد سرور، چیئرمین سینیٹ صادق سنجرانی اور اپوزیشن سینیٹرز نے کشمیریوں پر جاری بھارتی دہشت گردی کی شدید مذمت کی ہے۔

چیرمین سینٹ صادق سنجرانی نے بلوچستان میں پینے کے صاف پانی اور صحت کی سہولتوں کی فراہمی کے لیے گورنر پبجاب کے اقدامات کو سراہتے ہوئے کہا کہ پارلیمنٹ اور جمہوریت کی مضبوطی کیلئے تمام سیاسی اور مذہبی جماعتوں کو اپنا کردار ادا کرنا چاہیے۔

انہوں نے کہا کہ جمہوریت اور پارلیمنٹ کی مضبوطی سے ہی پاکستان مضبوط ہوگا اور مسائل حل ہوں گے۔

گورنر پنجاب چوہدری محمد سرور کا کہنا ہے کہ یہ وقت ذاتی اور سیاسی نہیں ملکی اور قومی مفادات کے تحفظ کرنے کا ہے۔ انتخابی اصلاحات حکومت اور اپوزیشن جماعتوں اور ملک وقوم کے مفاد میں ہیں۔

انہوں نے کہا کہ اپوزیشن جماعتوں کو انتخابی اصلاحات کے معاملے پر حکومت کے ساتھ بیٹھنا چاہیے، اپوزیشن حکومت کے خلاف سڑکوں پر آکر اپنا اور قوم کا وقت کا ضیاع کرے گی۔

گورنر پنجاب چوہدری محمد سرور نے مزید کہا کہ بھارت پورے خطے میں امن دشمنوں کا سب سے بڑا سہولت کار ہے۔

واضح رہے کہ گورنر ہاؤس میں ملاقات میں سیاسی اور پار لیمانی امور سمیت دیگر ایشوز پر بات چیت کی گئی۔

The post افغانستان سمیت پورے خطے میں پاکستان کا کردار ہر لحاظ سے مثالی ہے، گورنر پنجاب appeared first on .