کراچی ایئرپورٹ پر تعینات ایف آئی اے امیگریشن عملے کے خلاف بڑی کارروائی

کراچی ایئرپورٹ پر تعینات ایف آئی اے امیگریشن عملےکے خلاف بری کارروائی کی گئی ہے۔

تفصیلات کے مطابق  ایف آئی اے امیگریشن ارائیول کاؤنٹرز پر تعینات اہلکاروں کو ہٹادیا گیا ہے، ایڈیشنل ڈائریکٹر امیگریشن ڈاکٹر زین شیخ نے کارروائی کرکے نوٹیفکیشن جاری کردیا ہے۔

نوٹیفکیشن  کے مطابق  سب انسپکٹر نعمان آرائیں، ہیڈکونسٹیبل فرخ شمیم، احسان کھوسو اور عقیل دستگیرکو کراچی ایئرپورٹ امیگریشن سے فوری ہٹادیا گیا۔

 ایڈیشنل ڈائریکٹر امیگریشن ڈاکٹر زین شیخ کا کہنا ہے کہ امیگریشن کے چاروں اہلکاروں کی ایئرپورٹ پر خدمات درکار نہیں ہے،  چاروں اہلکاروں کو ایف آئی اے زونل ہیڈکوارٹر رپورٹ کردیا گیا ،چاروں اہلکاروں کو کسی سرکل میں تعینات نہ کرنے کی سفارش  کی گئی ہے۔

نوٹیفکیشن میں کہا گیا کہ چاروں اہلکاروں کو ملک بھر میں کہیں بھی امیگریشن شعبے میں تعینات نہ کرنے کی بھی سفارش  کی گئی ہے۔

واضح رہے کہ دو ہفتے قبل بھی ایڈیشنل ڈائریکٹر امیگریشن ڈاکٹر زین شیخ نے کارروائی کرتے ہوئے شفٹ انچارج سمیت عملے کو ہٹادیا تھا۔

The post کراچی ایئرپورٹ پر تعینات ایف آئی اے امیگریشن عملے کے خلاف بڑی کارروائی appeared first on .